Pendevig

Grŵp gwerin cyfoes a ffurfiwyd yn 2018 yw Pendevig. Ffurfiwyd y band yn arbennig ar gyfer perfformiadau yn Festival Interceltique de Lorient a phafiliwn Eisteddfod Genedlaethol Cymru Caerdydd 2018. Rhyddhawyd albwm cyntaf y band, Pendevig I., i gyd-fynd â'r perfformiadau hyn.

Maent yn cyfuno cerddoriaeth draddodiadol o Gymru â dylanwadau jazz, drum 'n' bass, ffync, pop a roc; yn ogystal â chynnwys barddoniaeth berfformiadol yn nifer o'u caneuon. Mae eu perfformiadau byw yn cynnwys elfennau theatrig megis dawnswyr, acrobateg a thân.

Enillodd Pendevig y wobr am y Band Byw Gorau yng Ngwobrau Gwerin Cymru 2019. Roeddent hefyd ar y rhestr fer am y gân draddodiadol orau gyda 'Lliw Gwyn' (fersiwn o 'Lliw Gwyn Rhosyn yr Haf'), oddi ar eu halbwm cyntaf.

Aelodau

• Iolo Whelan - drymiau ac offerynnau taro
• Sam Humphreys - gitarau
• Angharad Jenkins - ffidil
• Aeddan Williams - bas dwbl a thrydanol
• Jordan Price Williams - soddgrwth a chwibanau
• Patrick Rimes - ffidil, pibau, chwibanau, allweddellau
• Bethan Rhiannon - llais, acordion, dawns, synth
• Aneirin Jones - ffidil
• Iestyn Tyne - llais, pastwn
• Greg Sterland - sacsoffon
• Ted Smith - trwmped
• Alice French - telyn
• Gwilym Bowen Rhys - llais, mandolin
• Jamie Smith - acordion
• Jake Durham - trombôn