Iestyn Tyne

Oddi ar Wicipedia
Jump to navigation Jump to search
Iestyn Tyne
Ganwyd3 Gorffennaf 1997 Edit this on Wikidata
DinasyddiaethBaner Cymru Cymru
Alma mater
Galwedigaethcerddor, ysgrifennwr Edit this on Wikidata

Bardd, llenor, a cherddor yw Iestyn Tyne (ganwyd 3 Gorffennaf 1997). Ef yw un o sylfaenwyr a golygyddion cylchgrawn llenyddol Y Stamp, ac mae'n aelod o'r bandiau gwerin Patrobas a Pendevig. Mae'n byw yn Twthill, Caernarfon.

Bywyd cynnar ac addysg[golygu | golygu cod y dudalen]

Mae Iestyn yn fab ffarm o Foduan ym Mhen Llŷn. Saesneg oedd iaith ei aelwyd adref, ond dysgodd siarad Cymraeg yn gyflym iawn yn yr ysgol. Mynychodd Ysgol Gynradd Pentreuchaf ac Ysgol Uwchradd Botwnnog. Aeth ymlaen i wneud ei lefelau A yng Ngholeg Meirion Dwyfor, Pwllheli gan astudio amrywiaeth o'r creadigol a'r ymarferol - Cymraeg, Celf, Daearyddiaeth a Busnes. Yn ystod ei amser yn y coleg, bu'n chwarae mewn band a ddaeth i'w adnabod wedyn fel Patrobas, sydd wedi ryddhau EP (Dwyn y Dail, 2015) ac albwm (Lle awn ni nesa'?, 2017). Mae wedi teithio i berfformio yn Iwerddon, Llydaw a Gwlad y Basg. Mae'n perfformio'n rheolaidd fel rhan o fand Gwilym Bowen Rhys.

Wedi hynny aeth i astudio ym Mhrifysgol Aberystwyth a graddiodd yn y Gymraeg yn 2018. Roedd am gyfnod yn aelod o'r ddeuawd, Gwawn, yn perfformio cerddoriaeth acwstig yn ardal Aberystwyth. Mae hefyd yn aelod o'r siwpyr-grŵp gwerin arbrofol, Pendevig.[1]

Gyrfa[golygu | golygu cod y dudalen]

Mae'n gweithio fel cyfieithydd i Gyngor Gwynedd yn rhan amser.

Barddoni[golygu | golygu cod y dudalen]

Yn 2016, enillodd goron Eisteddfod yr Urdd a chadair Eisteddfod Ffermwyr Ifanc Cymru.[2] Hunan-gyhoeddodd ei gyfrol gyntaf o gerddi, Addunedau, yn 2017;[3] a chyhoeddodd ei ail gyfrol, Ar adain, drwy Gyhoeddiadau'r Stamp yn 2018.[4]

Yn 2019, enillodd gadair Eisteddfod yr Urdd Caerdydd a’r Fro 2019, gan ddod y cyntaf erioed i ennill coron a chadair yr Urdd.[5] Fe'i penodwyd yn yr un flwyddyn yn fardd preswyl cyntaf yr Eisteddfod Genedlaethol ar gyfer Eisteddfod Genedlaethol Llŷn ac Eifionydd 2021.[6]

Ar y cyd â Grug Muse, roedd yn gyfrifol am olygu Dweud y Drefn pan nad oes Trefn, blodeugerdd o 100 o gerddi cyfoes gan feirdd Cymraeg, a gyhoeddwyd yn 2020.[7]

Mae hefyd yn gyfrifol am y blog Casglu'r Cadeiriau sy'n olrhain cadeiriau eisteddfodol sydd naill ai ar goll neu wedi mynd yn angof.

Llyfryddiaeth[golygu | golygu cod y dudalen]

  • Dweud y Drefn pan nad oes Trefn: Blodeugerdd 2020 (gol., gyda Grug Muse, 2020), Cyhoeddiadau'r Stamp
  • Addunedau (2017), Cyhoeddiadau'r Stamp
  • Ar adain (2018), Cyhoeddiadau'r Stamp
  • Cywilydd (2019), Cyhoeddiadau'r Stamp

Dolenni allanol[golygu | golygu cod y dudalen]

Cyfeiriadau[golygu | golygu cod y dudalen]

  1.  Iestyn Tyne (Cyfweliad). Blog Stafell Gerdd (1 Hydref 2018).
  2. https://www.walesonline.co.uk/news/wales-news/student-iestyn-tyne-takes-years-11425285
  3. https://golwg360.cymru/newyddion/cymru/258696-fideo-bardd-ifanc-yn-cyhoeddi-ar-ei-liwt-ei-hun
  4. https://www.llenyddiaethcymru.org/lw-event/lansiad-ar-adain-iestyn-tyne/
  5. Iestyn Tyne yw’r cyntaf i ‘ennill y dwbwl’ yn yr Urdd , Golwg360, 30 Mai 2019.
  6. "Iestyn Tyne yw bardd preswyl yr Eisteddfod | Eisteddfod Genedlaethol". eisteddfod.cymru. Cyrchwyd 2020-01-15.
  7. "Angen i lên Cymraeg dorri'n rhydd o "ddynion gwyn o'r 1960au"". Golwg360. 2020-09-24. Cyrchwyd 2021-01-19.