Ann Catrin Evans

Oddi ar Wicipedia
Jump to navigation Jump to search
Ann Catrin Evans
Ganwyd 1 Awst 1967 Edit this on Wikidata
Dinasyddiaeth Baner Cymru Cymru
Alma mater
Galwedigaeth arlunydd Edit this on Wikidata

Cerflunwraig a dylunydd Cymreig yw Ann Catrin Evans (ganwyd 1 Awst 1967), sy'n gweithio'n bennaf mewn metel. Caiff ei gwaith ei arddangos ar draws y Deyrnas Unedig a'r Unol Daleithiau a'i werthu'n fyd-eang.[1]

Bywgraffiad[golygu | golygu cod y dudalen]

Ganwyd Evans ym Mangor, ac astudiodd radd sylfaen celf ym Mhrifysgol Bangor ym 19871988.[2] Graddiodd o Brifysgol Brighton gyda gradd baglor y celfyddydau mewn gwaith pren, metel, serameg a plastig ym 1989.[3] Mae ganddi efail ac oriel ym Mharc Glynllifon ger Caernarfon.[4]

Gwaith[golygu | golygu cod y dudalen]

Mae ei gwaith wedi ennill nifer o wobrau gan gynnwys medal aur Eisteddfod Genedlaethol Cymru ar gyfer Campwaith Crefft, Gwobr Merched mewn Menter, a Bwrsari Cyngor Celfyddydau Cymru.[4]

Comisiynwyd i ddylunio dodrefn ar gyfer drysau yng Nghanolfan Mileniwm Cymru yng Nghaerdydd, a agorwyd yn swyddogol yn 2004.[1] Dyluniodd hefyd dlws gwobr gyntaf Siân Phillips yn 2004.[5]

Evans oedd gwneuthurwr a chynllunydd coron Eisteddfod Genedlaethol Cymru Eryri a'r Cyffiniau 2005.

Gwnaethpwyd y goron o arian a llechen. Roedd y pigau o lechen mewn cylch ar y goron yn cynrychioli llyfrau ar agor â dau stribed o arian yn eu dal at ei gilydd mewn cylch yn gwneud i'r cyfan edrych fel clawdd llechen, sy'n nodweddiadol o'r dystiolaeth o ddiwydiant llechi yr ardal.

Dywedodd Ann Catrin Evans: "Mae'r ddau ddeunydd yn gwrthgyferbynnu'n hyfryd gydag un yn dywyll a garw a'r llall yn sgleiniog a golau ac mae hynny'n gyfuniad perffaith. Roeddwn i'n hapus â'r gwaith ar ôl gorffen gan fod y Goron yn dal y golau yn ofnadwy ac mae hynny yn rhywbeth nad oeddwn i wedi ei ragweld."

Cyfeiriadau[golygu | golygu cod y dudalen]

  1. 1.0 1.1  Projects Archive > SOFA Chicago > Ann Catrin Evans: metalwork. Arts Wales International. Adalwyd ar 15 Chwefror 2010.
  2.  Ann Catrin Evans: Metalwork. Cyngor Celfyddydau Cymru (2002). Adalwyd ar 15 Chwefror 2010.
  3.  aura2008 presents Ann Catrin Evans. Aura (2008). Adalwyd ar 15 Chwefror 2010.
  4. 4.0 4.1  Ann Catrin Evans: Ironwork. The Makers Guild in Wales. Adalwyd ar 15 Chwefror 2010.
  5.  Gogledd Orllewin: Pigion: Emyr Humphreys - enillydd Gwobr Siân Phillips 2004. BBC Lleol. Adalwyd ar 15 Chwefror 2010.