Angela Burns

Angela Burns
Ysgrifennydd Cysgodol dros Iechyd a Gwasanaethau Cymdeithasol.
Deiliad
Cychwyn y swydd 2016
Arweinydd	Andrew R. T. Davies Paul Davies
Gweinidog Cysgodol dros Addysg
Yn ei swydd 2010–2016
Arweinydd	Andrew R. T. Davies
Aelod o'r Senedd dros Orllewin Caerfyrddin a De Sir Benfro
Yn ei swydd 3 Mai 2007 – 29 Ebrill 2021
Rhagflaenwyd gan	Christine Gwyther
Dilynwyd gan	Sam Kurtz
Mwyafrif	1,504 (5.3%)
Manylion personol
Plaid wleidyddol	Ceidwadwyr
Priod	Andrew Burns
Cartref	Sir Benfro & Caerdydd
Pwyllgorau	Cadeirydd y Pwyllgor Cyllid 2008-2011, Aelod o Bwyllgor Cydraddoldeb. Ar hyn o bryd yn aelod o Pwyllgor Plant, Pobl Ifanc ac Addysg a Pwyllgor Iechyd a Gofal Cymdeithasol
Portffolio	Comisiynydd Senedd Cymru

Gwleidydd o Gymru yw Angela Burns. Bu'n Aelod o'r Senedd Ceidwadol dros Gorllewin Caerfyrddin a De Sir Benfro rhwng 2007 a 2021.

Bywyd cynnar

Ganwyd Burns i deulu Seisnig ac fe'i magwyd mewn sawl gwlad dramor. Fe aeth i fyd busnes ar ôl gadael ysgol, yn gweithio i gwmnïau fel Waitrose, Thorn EMI a Asda gan ddod yn gyfarwyddwr ei chwmni ei hun. Yn ddiweddarach, symudodd i Sir Benfro gyda'i gŵr a daeth yn weithgar mewn gwleidyddiaeth.

Gyrfa wleidyddol

Yn etholiad y Cynulliad yn 2007 enillodd y sedd gan guro'r aelod blaenorol, Christine Gwyther (Plaid Lafur) o ddim ond 98 pleidlais a John Dixon (Plaid Cymru) o 250 pleidlais mewn gorest agos iawn.

Roedd hi'n Weinidog Cysgodol dros Gyllid a Chyflenwi Sector Gyhoeddus rhwng 11 Gorffennaf 2007 a 16 Mehefin 2008 ac yna daeth yn Weinidog Cysgodol dros Drafnidiaeth ac Adfywio ar 22 Hydref 2008.

Yng Ngorffennaf 2020 dywedodd na fyddai yn cystadlu ei sedd yn etholiad Senedd Cymru yn 2021.

Cynulliad Cenedlaethol Cymru
Rhagflaenydd: Christine Gwyther	Aelod o'r Senedd dros Orllewin Caerfyrddin a De Sir Benfro 2007 – 2021	Olynydd: Sam Kurtz