André Gunder Frank

André Gunder Frank
Ganwyd	24 Chwefror 1929  Berlin
Bu farw	23 Ebrill 2005  Dinas Lwcsembwrg
Dinasyddiaeth	Yr Almaen
Addysg	Doethur mewn Athrawiaeth
Alma mater	Prifysgol Chicago Coleg Swarthmore
Ymgynghorydd y doethor	Milton Friedman
Galwedigaeth	economegydd, ysgrifennwr, cymdeithasegydd, academydd, hanesydd, gweithredydd gwleidyddol
Cyflogwr	Prifysgol Amsterdam Prifysgol Amsterdam Prifysgol Amsterdam Prifysgol Dwyrain Anglia Prifysgol Tsile Universidade de Brasília
Tad	Leonhard Frank
Mam	Elena Frank
Gwobr/au	Bentley Book Prize
Gwefan	http://rrojasdatabank.info/agfrank/

Economegydd a chymdeithasegydd Almaenig oedd André Gunder Frank (24 Chwefror 1929 – 23 Ebrill 2005).

Bywyd cynnar ac addysg

Ganed Andreas Frank ym Merlin. Nofelydd a heddychwr oedd ei dad. Fe'i danfonwyd i ysgol breswyl yn y Swistir yn 4 oed i osgoi gormes yn yr Almaen Natsïaidd. Aeth i'r Unol Daleithiau yn 1941 i ymuno â'i rieni yn Hollywood, Los Angeles, a mynychodd yr uwch-ysgol yno. Yn ddiweddarach symudodd y teulu i Ann Arbor, Michigan. Cafodd ei wawdio yn yr ysgol am fod yn araf, a rhoddwyd yr enw "Gunder" iddo fel cyfeiriad at y rhedwr Swedaidd Gunder Hägg.

Astudiodd economeg yng Ngholeg Swarthmore, Pennsylvania, a derbyniodd ei radd yno yn 1950. Mabwysiadodd daliadau Keynesaidd yn ystod ei gyfnod israddedig. Aeth i Brifysgol Chicago i gyflawni ei ddoethuriaeth, ac erbyn iddo orffen ei astudiaethau yn 1957 fe wrthwynebai syniadaeth ei diwtor, yr arianyddwr Milton Friedman. Trodd Frank yn erbyn theorïau Americanaidd ynghylch datblygiad economaidd, a dadleuodd o blaid gwella cydraddoldeb cymdeithasol a gwleidyddol cyn ennill effeithlonrwydd economaidd.

Bywyd personol

Bu'n briod teirgwaith. Bu farw o ganser yn 76 oed.