Albert Westhead Pryce-Jones

Oddi ar Wicipedia
Jump to navigation Jump to search
Albert Westhead Pryce-Jones
Gwybodaeth Bersonol
Dyddiad geni26 Mai 1870
Man geniY Drenewydd, Cymru
Dyddiad marw17 Awst 1946(1946-08-17) (76 oed)
Man lle bu farwBuenos Aires, Ariannin
Gyrfa Lawn*
BlwyddynTîmYmdd(Gôl)
1884-1889Ysgol Amwythig
1889-1893Prifysgol Caergrawnt
1889-1897Y Drenewydd
Tîm Cenedlaethol
1895Cymru1(0)
* Cyfrifir yn unig: ymddangosiadau i Glybiau fel oedolyn a goliau domestg a sgoriwyd..
† Ymddangosiadau (Goliau).

Cyn ŵr busnes a phêl-droediwr Cymreig oedd Albert Westhead Pryce-Jones OBE (26 Mai 187017 Awst 1946). Llwyddodd i ennill Cwpan Cymru gyda'r Drenewydd yn ogystal ag ennill 1 cap dros Gymru ym 1895.

Bywyd cynnar[golygu | golygu cod y dudalen]

Roedd Pryce-Jones yn fab i Syr Pryce Pryce-Jones, perchennog busnes gwerthu drwy'r post y Royal Welsh Warehouse ac Aelod Seneddol Bwrdeistref Trefaldwyn. Cafodd Pryce-Jones ei addysg yn Ysgol Amwythig lle roedd yn gricedwr a phêl-droediwr o fri.[1] Ym 1889 aeth i astudio yng Ngholeg Clare, Caergrawnt lle cynrychiolodd Prifysgol Caergrawnt mewn pêl-droed a tenis yn ogystal a bod yn gapten ar dîm criced y Coleg.[1]

Gyrfa bêl-droed[golygu | golygu cod y dudalen]

Ar ôl gadael y Brifysgol, ymunodd Pryce-Jones â'i frawd, William Ernest Pryce-Jones yn nhîm Y Drenewydd ac roedd y ddau yn rhan o'r tîm drechodd Wrecsam yn rownd derfynol Cwpan Cymru ym 1894-95[2] ac yn yr un tymor casglodd ei unig gap rhyngwladol wrth chwarae dros Gymru mewn gêm gyfartal 1-1 yn erbyn Lloegr yn y Queen's Club, Llundain.[3]

Bywyd busnes[golygu | golygu cod y dudalen]

Ar ôl gadael y Brifysgol, ymunodd â busnes ei dad yn Y Drenewydd. Roedd Pryce-Jones hefyd yn aeod o'r Fyddin Diriogaethol fel swyddog yn y Ffiwsilwyr Brenhinol Cymreig.[4]. Ym 1911 symudodd i Calgary yng Nghanada ym 1911 er mwyn sefydlu cangen o'r RWW yn y ddinas a cheisio disodli'r Hudson Bay Company fel prif fusnes masnachol yr ardal.[4][5]

Aeth y busnes yng Nghanada i'r wal pan adawodd Pryce-Jones er mwyn dychwelyd i Brydain Fawr er mwyn brwydro yn y Rhyfel Byd Cyntaf.[5]

Rhyfel Byd Cyntaf[golygu | golygu cod y dudalen]

Ar ddechrau'r Rhyfel Byd Cyntaf cododd Pryce-Jones fataliwn lleol yn Calgary er mwyn hwylio i ymladd dros yr Ymerodraeth. Gadawodd yr 113th Lethbridge (Calgary) Highlanders am Loegr ym mis Medi 1916 ond oherwydd colledion enbyd yn ystod y brwydro yn Ffrainc cafodd y bataliwn ei rannu rhwng sawl bataliwn Canadaidd arall.[4][6]

Bu farw ei fab, Reginald 'Rex' Pryce-Jones, yn ystod Brwydr y Somme ar 18 Tachwedd 1916.[7]

Ymddeoliad[golygu | golygu cod y dudalen]

Ar ddiwedd y Rhyfel Byd Cyntaf, bu Pryce-Jones yn byw yn Llundain cyn symud i fyw i'r Ariannin ym 1938, lle bu farw ym 1946.[1]

Gweler hefyd[golygu | golygu cod y dudalen]

Ei frodyr:

Cyfeiriadau[golygu | golygu cod y dudalen]

  1. 1.0 1.1 1.2 Davies, Gareth M.; Garland, Ian (1991). Who's Who of Welsh International Soccer Players. Bridge Books. p. 171. ISBN 1 872424 11 2.
  2. "Welsh Cup Final 1894-95". Welsh Football Data Archive. Unknown parameter |published= ignored (help)
  3. "England 1-1 Wales". Unknown parameter |published= ignored (help)
  4. 4.0 4.1 4.2 Jackson, Jasmin (2006). On the Way!. Trafford Publishing. p. 51. ISBN 1412031397.
  5. 5.0 5.1 "Canadian Museum of History". Unknown parameter |published= ignored (help)
  6. "Colonels of the Canadian Expeditionary Force: The Welshman". Unknown parameter |published= ignored (help)
  7. "Rex Pryce-Jones". Canadian Virtual War Memorial. Unknown parameter |published= ignored (help)