Afon Soch

Oddi ar Wicipedia
Jump to navigation Jump to search
Afon Soch
Math Afon Edit this on Wikidata
Daearyddiaeth
Sir Gwynedd Edit this on Wikidata
Gwlad Baner Cymru Cymru
Cyfesurynnau 52.86°N 4.616°W Edit this on Wikidata

Afon ar benrhyn Llŷn yng Ngwynedd yw Afon Soch (cyfeiriad grid SH2927). Ei hyd yw tua 10 milltir.

Gorwedd tarddle'r afon i'r dwyrain o gymuned Cefnamlwch rhwng Mynydd Cefnamwlch a Carn Fadryn. Llifa i gyfeiriad y de a thrwy bentref Sarn Mellteyrn lle mae'r B4413 yn ei chroesi ar bont. Yna mae hi'n troi i gyfeiriad y de-ddwyrain a heibio i'r de o bentref Botwnnog. Tua chwarter milltir ar ôl Llandegwning, daw ffrwd Afon Horon i mewn iddi o'r gogledd o'i tharddle rhwng Garn Boduan a Garn Saethon.

Llifa'r afon yn ei blaen ar gwrs cyfochrog i fae Porth Neigwl. Ger Llanengan mae hi'n troi'n dynn i'r gogledd ac yna i'r dwyrain eto, i lifo i'r môr yn Abersoch. Yn y pentref hwnnw ceir dau harbwr ar ei glannau, un yng nghanol Abersoch a'r llall ar lan y môr.

Afon Soch yn llifo trwy harbwr mewnol Abersoch