Afon Lledr
Jump to navigation
Jump to search
 Afon Lledr ym Mhont-y-pant | |
| Math | afon  |
|---|---|
| Daearyddiaeth | |
| Sir | Conwy |
| Gwlad |  Cymru |
| Uwch y môr | 174 metr |
| Cyfesurynnau | 53.0667°N 3.8°W |
| Aber | Afon Conwy |
 | |
Afon yn Sir Conwy yng ngogledd Cymru sy'n rhedeg i mewn i Afon Conwy yw Afon Lledr. Mae'n llifo trwy Ddyffryn Lledr.
Mae Afon Lledr yn tarddu ar lethrau dwyreiniol Ysgafell Wen, sy'n gorwedd rhwng Moel Siabod a Cnicht. Mae'n llifo tua'r gogledd-ddwyrain i gyfeiriad Blaenau Dolwyddelan, lle mae Ceunant Tŷ'n y Ddol yn ymuno â hi, yna yn llifo dan y Bont Rufeinig a heibio Dolwyddelan, lle mae Afon Penamnen yn ymuno. Mae'n parhau tua'r gogledd-ddwyrain heibio Pont-y-pant ac yna tua'r dwyrain ar hyd Glyn Lledr, gyda ffordd yr A470 a'r rheilffordd i Flaenau Ffestiniog yn dilyn ei glannau. Mae'n ymuno ag Afon Conwy ychydig i'r de o bentref Betws-y-Coed.
