Afon Eidda

Oddi ar Wicipedia
Jump to navigation Jump to search
Afon Eidda
Math afon Edit this on Wikidata
Daearyddiaeth
Sir Conwy Edit this on Wikidata
Gwlad Baner Cymru Cymru
Cyfesurynnau 53.028216°N 3.750853°W Edit this on Wikidata
Hyd 3.5 milltir Edit this on Wikidata

Afon fechan yn Sir Conwy yw Afon Eidda, sy'n un o lednentydd chwith Afon Conwy. Mae'n llifo yn ne'r sir ger Pentrefoelas. Hyd: tua 3.5 milltir.

Afon Eidda ger Blaen Eidda Isaf.

Cwrs[golygu | golygu cod y dudalen]

Tardda'r afon yn ardal Eidda, ar lethrau bryn Foel Ddu (504m). Gorwedd y tarddle yn y corsdir uchel (tua 470 metr i fyny) ar lethrau agored y Foel Ddu tua 2.5 milltir i'r de-orllewin o bentref Ysbyty Ifan. Llifa ar gwrs i gyfeiriad y gogledd drwy gorsdir Blaen Eidda. Ger ffermdy Blaen Eidda Isaf mae ffrwd arall, Afon Rhydyrhalen, yn ymuno â hi. Mae'n disgyn oddi yno i lawr y cwm mynyddig gan fynd dan Bont Eidda ar lôn wledig sy'n cysylltu Ysbyty Ifan a'r A5, gam lifo i Afon Conwy tua hanner milltir ar ôl hynny ger Padog (sy'n adnabyddus i deithwyr oherwydd "troeon Padog" ar yr A5) tua 2 filltir i lawr o Bentrefoelas.[1]

Cadwraeth[golygu | golygu cod y dudalen]

Mae Meysydd Eidda ar lan yr afon wedi'u dynodi'n Safle o Ddiddordeb Gwyddonol Arbennig. Mae ei arwynebedd yn 4.44 hectar. Cyfoeth Naturiol Cymru yw'r corff sy'n gyfrifol am y safle.

Cyfeiriadau[golygu | golygu cod y dudalen]

  1. Map Arolwg Ordnans 1:50,000, taflen 116.