Afon Dulas (Powys)

Oddi ar Wicipedia
(Ailgyfeiriad oddi wrth Afon Crewi)
Jump to navigation Jump to search
Afon Dulas
Math afon Edit this on Wikidata
Daearyddiaeth
Sir Gwynedd Edit this on Wikidata
Gwlad Baner Cymru Cymru
Uwch y môr 8 metr Edit this on Wikidata
Cyfesurynnau 52.6001°N 3.8418°W Edit this on Wikidata
Am afonydd eraill o'r un enw gweler Afon Dulas (gwahaniaethu).
Afon Dulas

Afon yng ngogledd Cymru yw Afon Dulas, sy'n un o lednentydd Afon Dyfi. Mae'n llifo trwy Bowys yn bennaf ond gan orffen ei thaith yng Ngwynedd. Ei hyd yw tua 10 milltir.[1]

Cwrs[golygu | golygu cod y dudalen]

Prif darddle Afon Dulas yw llyn Glaslyn, tua 460 meter i fyny yn y bryniau 5 milltir i'r gogledd o gopa Pumlumon. Ar ôl llifo i gyfeiriad y gorllewin am ddwy filltir, mae afon fynyddig arall, sy'n tarddu yn y Bugeilyn tua 1.5 milltir i'r de o'r Glaslyn, yn llifo iddi. Ychydig yn is i lawr daw Afon Hengwm i lawr o'i tharddle ger Hyddgen (safle un o frwydrau mawr gwrthryfel Owain Glyndŵr) i lifo iddi. Ymleda'r afon i lifo trwy Ddyffryn Dulas.[1]

Tua milltir i'r gorllewin o bentref Aberhosan mae afon arall, sef Afon Carog (Nant Cymau) yn ymuno ag Afon Dulas. Wedyn mae'n llifo i gyfeiriad y gorllewin gydag ambell ffrwd arall yn llifo iddi cyn troi i gyfeiriad y gogledd. Mae'n llifo dan bont ar y briffordd A489 tua hanner ffordd rhwng Penegoes a Machynlleth, lle mae Afon Crewi yn llifo iddi o'r dwyrain. Ar ben ei thaith mae Afon Dulas yn llifo i Afon Dyfi ger Neuadd Dolguog, ar ôl mynd dan bont ar Reilffordd y Cambrian, rhyw filltir i'r gogledd-ddwyrain o Fachynlleth.[1]

Cyfeiriadau[golygu | golygu cod y dudalen]

  1. 1.0 1.1 1.2 Map OS 1:50,000 Landranger 135 Aberystwyth.

Gweler hefyd[golygu | golygu cod y dudalen]