Émile Durkheim
| Émile Durkheim | |
|---|---|
 |
|
| Ganwyd | 15 Ebrill 1858  Épinal |
| Bu farw | 15 Tachwedd 1917 (59 oed) Paris |
| Alma mater |
|
| Galwedigaeth | anthropolegydd, athronydd, cymdeithasegydd, academydd |
| Cyflogwr | |
| Gwaith nodedig | The Elementary Forms of the Religious Life, The Division of Labour in Society |
| Prif ddylanwad | Louis Gabriel Ambroise de Bonald, Auguste Comte, Herbert Spencer |
Cymdeithasegydd Ffrengig oedd Émile Durkheim (15 Ebrill 1858 – 15 Tachwedd 1917). Ystyrir ei waith yn allweddol o ran gosod sylfeini cymdeithaseg ac anthropoleg. Bu'n olygydd y cylchgrawn cymdeithasegol cyntaf, L'Année Sociologique, a bu'n darlithio ac ysgrifennu ar bynciau megis addysg, trosedd, crefydd, hunanladdiad a nifer o agweddau eraill ar gymdeithaseg.
Ganed ef yn nhalaith Lorraine yn nwyrain Ffrainc i deulu Iddewig; bu ei dad, ei daid a'i hen daid yn dal swydd rabbi. Ystyriai ef ei hun mai ffenomenen gymdeithasol oedd crefydd.
Aeth i'r École Normale Supérieure yn 1879, yr un flwyddyn a Jean Jaurès a Henri Bergson. Treuliodd flwyddyn yn astudio yn yr Almaen cyn cael swydd darlithydd yng ngholeg hyfforddi athrawon cyntaf Ffrainc yn Bordeaux yn 1887. Dechreuodd gyhoeddi traethodau yn y 1890au. Yn 1902 daeth yn Athro addysg yn y Sorbonne.
|
