Mihangel Morgan
Oddi ar Wicipedia
| Mihangel Morgan | |
|---|---|
| Ganwyd | 7 Rhagfyr, 1955 Trecynon, Rhondda Cynon Taf,  Cymru |
| Yn enwog am | Pan Oeddwn Fachgen, Dirgel Ddyn, Dan Gadarn Goncrit |
| Galwedigaeth | Darlithydd, nofelydd, bardd |
Mae Mihangel Morgan (ganwyd 7 Rhagfyr 1955, Trecynon) yn awdur a bardd Cymraeg sy'n ddarlithydd ym Mhrifysgol Aberystwyth. Newidiodd ei enw o Michael Finch i Mihangel Morgan yn ei ugeiniau cynnar, gan gymryd cyfenw ei fam cyn iddi briodi.[1] Bu'n geinlythrennydd (caligrapher) yn Rhuthun, Sir Ddinbych ar ddechrau'r 80au ac mae bellach yn byw ym mhentref Tal-y-bont yng Ngheredigion.
Daw'n wreiddiol o Aberdâr, Rhondda Cynon Taf ac mae'n ddyn hoyw sy'n gwbl agored am ei rywioldeb.[2] Cafodd ei hyfforddi fel ceinlythrennydd a bu'n dysgu hyn i fyfyrwyr am flynyddoedd cyn graddio. Enillodd Y Fedal Ryddiaith yn 1993 gyda'i nofel Dirgel Ddyn a chafodd ei lyfr Digon o Fwydod ei enwi ar restr hir Llyfr y Flwyddyn yn 2006.
Cynnwys |
Llyfryddiaeth [golygu]
- Diflaniad Fy Fi : cerddi, 1988, Cyhoeddiadau Barddas
- Beth yw Rhif Ffôn Duw? : cerddi, 1991, Cyhoeddiadau Barddas
- Hen Lwybr a Storïau Eraill : straeon byrion, 1992, Gwasg Gomer
- Dirgel Ddyn : nofel, 1993, Gwasg Gomer; ail-argraffiad 2006, Y Lolfa
- Saith Pechod Marwol : straeon byrion, 1993, Y Lolfa
- Te gyda'r Frenhines : straeon byrion, 1994, Gwasg Gomer
- Tair Ochr y Geiniog : straeon byrion, 1996, Gwasg Gomer
- Llên y Llenor: Jane Edwards : astudiaeth academig, 1997, Gwasg Pantycelyn
- Melog : nofel, 1997, Gwasg Gomer
- Darllen Ffilmiau : astudiaeth academig, 1998, Prifysgol Cymru Aberystwyth
- Dan Gadarn Goncrit : nofel, 1999, Y Lolfa
- Y Corff yn y Parc a Storïau Ffeithiol Eraill : straeon byrion, 1999, Gwasg Carreg Gwalch
- Caradog Prichard : astudiaeth academig, 2000, Gwasg Pantycelyn
- Cathod a Chŵn : straeon byrion, 2000, Y Lolfa
- Nofelau Nawr: Modrybedd Afradlon : stori fer, 2000, Gwasg Gomer
- Creision Hud (gyda Jo Feldwick) : cerddi i blant, 2001, Y Lolfa
- Y Ddynes Ddirgel : nofel, 2001, Y Lolfa
- Pan Oeddwn Fachgen : nofel, 2002, Y Lolfa
- Croniclau Pentre Simon : nofel, 2003, Y Lolfa
- Digon o Fwydod : cerdi i blant, 2005, Cyhoeddiadau Barddas
- Cestyll yn y Cymylau : nofel, 2007, Y Lolfa
- Pantglas : nofel, 2011, Y Lolfa
Gwobrau ac anrhydeddau [golygu]
- Y Fedal Ryddiaith yn Eisteddfod Genedlaethol Cymru Llanelwedd 1993, Dirgel Ddyn
Cyfeiriadau [golygu]
- ↑ Elfed Davies: "1799 Carmel Eglwys Presbyteraidd Cymru Trecynon 1996" (Pink Panther Digital Solutions)
- ↑ "Merch mewn corff bachgen", Adolygiad y BBC o "Pan Oeddwn Fachgen." Adalwyd ar 30-07-2009.
Dolenni allanol [golygu]
- Bywgraffiad ar wefan BBC Cymru
- Proffil ar wefan Prifysgol Aberystwyth
