Gweriniaeth fanana

Oddi ar Wicipedia
Neidio i: llywio, chwilio
Baner ddychmygol "Gweriniaeth fanana".

Gweriniaeth fanana yw'r term gwleidyddol difrïol a ddefnyddir i gyfeirio at wlad dlawd a reolir gan lywodraeth filwrol awdurdodol lwgr. Dyfeisiwyd y term Saesneg banana republic gan yr awdur Americanaidd O. Henry. Roedd 'gweriniaeth' yn gyfystyr â llywodraeth unbenaethol i'r awdur ac mae'r gair 'banana' yn cyfeirio at or-ddibyniaeth gwledydd difreintiedig o'r math ar economi seiliedig ar dyfu cnydau sylfaenol i'w hallforio i wledydd mwy cyfoethog yn y Gorllewin. Fel rheol cysylltir y term â gwledydd tlawd Canolbarth a De America, ond gall gael ei gymhwyso at unrhyw wladwriaeth sydd â llywodraeth lwgr a gwahaniaethau mawr rhwng safon byw yr ychydig freintiedig a'r mwyafrif tlawd.

Mae'r ffilm Bananas gan Woody Allen yn cael ei lleoli mewn gweriniaeth fanana ystrydebol.

Society.svg Eginyn erthygl sydd uchod am wleidyddiaeth. Gallwch helpu Wicipedia drwy ychwanegu ato.