Biosffer Dyfi
Gwarchodfa fiosffer yw Biosffer Dyfi sy'n cwmapsu Bro Ddyfi ac Aberystwyth. Ers 2009, mae'r ardal wedi ei hadnabod gan UNESCO fel ardal arbennig ar gyfer pobl a natur, un o 553 a glustnodwyd ganddynt fel rhan o raglen Dyn a'r Biosffer.
Cynnwys |
Hanes [golygu]
Roedd ardal llai, o amgylch Gwarchodfa Natur Genedlaethol Dyfi wedi ei ddynodi fel Biosffer ym 1976, ond roedd yn rhaid ail-ymgeisio wedi i UNESCO newid y diffiniad o Fiosffer fel fod rhaid iddo gynnwys ardaloedd lle mae pobl yn byw ac yn gweithio. Ehangwyd yr ardal i gynnwys holl ddalgylch afonydd Dyfi a Leri (ac felly tref Machynlleth a phentrefi megis Dinas Mawddwy, Corris, Llanbrynmair a Thalybont, a thref Aberystwyth, a dyranwyd y statws newydd ym mis Mehefin 2009.[1]
Ardaloedd craidd [golygu]
Mae tair rhan i ardal graidd y Biosffer, sef yr ardaloedd sydd â diddordeb arbennig o ran natur: Cors Fochno, Coed Cwm Einion, a rhan o ardal gadwraeth morol Pen Llŷn a'r Sarnau.
