Baner Zimbabwe
Baner o saith stribed llorweddol (gwyrdd, melyn, coch, du, coch, melyn, gwyrdd) gyda thriongl yn yr adran godi (hoist), gyda border du (sy'n ymuno â'r stribed du canolog), cefndir gwyn ac aderyn cenedlaethol Zimbabwe melyn ar seren goch, yw baner Zimbabwe. Mae gwyrdd, melyn, coch a du yn lliwiau'r mudiad ZANU ac yn lliwiau pan-Affricanaidd. Yn ogystal roedd du yn cynrychioli arweinwyr newydd y wlad ar ôl annibyniaeth, tra bo gwyn yn cynrychioli eu dymuniad am heddwch. Arwyddlun cenedlaethol yw'r aderyn sy'n gynrychiadol o adar carreg a ddarganfuwyd yn adfeilion Zimbabwe Fawr, ac mae'r seren goch yn dangos rhagolwg rhyngwladol y wlad.
Mabwysiadwyd baner Zimbabwe ar 18 Ebrill, 1980 ar sail baner ZANU-PF oedd yn cynnwys paneli consentrig o wyrdd, melyn, coch, a phanel du yn y canol.
[golygu] Ffynonellau
- Complete Flags of the World, Dorling Kindersley (2002)
