Y Geiriadur Ysgrythurawl

Oddi ar Wicipedia
Jump to navigation Jump to search

Geiriadur Beiblaidd Cymraeg yw Y Geiriadur Ysgrythurawl (Y Geiriadur Ysgrythurol), a ysgrifenwyd gan Thomas Charles o'r Bala (1755-1814) ac a gyhoeddwyd ganddo mewn pedair cyfrol ar ddechrau'r 19g (1805, 1808, 1810, 1811).[1]

Torrodd y geiriadur Beiblaidd hwn dir newydd yn y Gymraeg gan gyflwyno wybodaeth newydd i'r Cymry nid yn unig ym meysydd yr Ysgrythurau Cristnogol a diwinyddiaeth ond hefyd yn naearyddiaeth, byd natur a hanes yr Henfyd.[1]

Cafodd y llyfr ei ailargraffu sawl gwaith yn ystod y 19g, fel rheol fel un gyfrol, ac roedd cyfrol fawr swmpus "Geiriadur Charles" yn un o'r llyfrau mwyaf poblogaidd y cyfnod, yn enwedig ar aelwydydd Ymneilltuol. Mae'r 7fed argraffiad, a gyhoeddwyd gan Hughes a'i Fab, Wrecsam yn 1885 yn cynnwys dros 930 tudalen o faint mawr mewn colofnau dwbl.[2]

Cyfeiriadau[golygu | golygu cod y dudalen]

  1. 1.0 1.1 Meic Stephens (gol.), Cydymaith i Lenyddiaeth Cymru (Gwasg Prifysgol Cymru).
  2. Geiriadur Ysgrythurol (Wrecsam, 1885).


Book template.svg Eginyn erthygl sydd uchod am lyfr. Gallwch helpu Wicipedia drwy ychwanegu ato.