William Cornwallis-West

Oddi ar Wicipedia
Jump to navigation Jump to search
William Cornwallis-West
William Cornwallis Cornwallis-West, Vanity Fair, 1892-07-16.jpg
Ganwyd20 Mawrth 1835 Edit this on Wikidata
Fflorens Edit this on Wikidata
Bu farw4 Gorffennaf 1917 Edit this on Wikidata
DinasyddiaethBaner Cymru Cymru
Alma mater
Galwedigaethgwleidydd Edit this on Wikidata
SwyddAelod o 24ain Senedd y Deyrnas Unedig, Aelod o 23ain Senedd y Deyrnas Unedig Edit this on Wikidata
Plaid WleidyddolPlaid Ryddfrydol Edit this on Wikidata
TadFrederick Richard West Edit this on Wikidata
MamTheresa Whitby Edit this on Wikidata
PriodMary Cornwallis-West Edit this on Wikidata
PlantDaisy von Pless, George Cornwallis-West, Constance Lewes Edit this on Wikidata

Roedd William Cornwallis West VD YH (20 Mawrth 18354 Gorffennaf 1917), yn wleidydd Prydeinig.

Teulu[golygu | golygu cod y dudalen]

Ganwyd William Cornwallis West yn Fflorens yr Eidal yn fab i Frederick Richard West, mab yr Anrhydeddus Frederick West, mab ieuengaf John West, 2il Iarll De La Warr. Ei fam oedd Theresa, merch John Whitby a Mary Anne Theresa Symonds, ac aeres i ffortiwn yr Admiral William Cornwallis. Derbyniodd ei addysg yng Ngholeg Eton[1]

Gyrfa[golygu | golygu cod y dudalen]

Cafodd Cornwallis West ei alw i'r Bar yn Lincoln's Inn, ym 1862.

Roedd yn Uchel Siryf Sir Ddinbych ym 1872, yn Arglwydd Raglaw Sir Ddinbych 1872–1917, yn Ynad Heddwch dros Hampshire a Sir Ddinbych ac yn Gyrnol Anrhydeddus ym 4ydd Bataliwn y Ffiwsilwyr Brenhinol Cymreig. Am ei waith fel milwr gwirfoddol dyfarnwyd iddo'r Addurniad Swyddogion Gwirfoddolwyr, (Volunteer Officers' Decoration llythyrau ôl-enwol VD)[2]

Ym 1885 cafodd ei ethol yn Aelod Seneddol dros Orllewin Sir Ddinbych, sedd a gadwodd hyd 1892. Ym 1895 newidiodd ei gyfenw i Cornwallis-West. Roedd yn byw yng Nghastell Rhuthun, Sir Ddinbych, ac yn Newlands Manor, Milford, Hampshire.

Priodas a phlant[golygu | golygu cod y dudalen]

Ym 1872 priododd Cornwallis West Mary ("Patsy"), merch y Parchedig Frederick Fitzpatrick. Bu sïon bod Patsy yn cael perthynas gydag Edward Tywysog Cymru[3].

Un o ferched William Cornwallis West a Patsy oedd Daisy, Tywysoges Pless; priododd merch arall, Constance, a Hugh Grosvenor, 2il Dug Westminster. George, mab Cornwallis-West, oedd ail ŵr yr Arglwyddes Randolph Churchill, mam Winston Churchill.

Bu farw Cornwallis-West ym mis Gorffennaf 1917 yn 82 mlwydd oed. Bu farw ei weddw ym mis Gorffennaf 1920.[4]

Cyfeiriadau[golygu | golygu cod y dudalen]

  1. http://www.chrisbeetles.com/gallery/cartoons/colonel-william-cornwallis-west-mp.html Archifwyd 2015-08-01 yn y Peiriant Wayback. adalwyd 12 Rhagfyr 2014
  2. "The London Gazette THE VOLUNTEER OFFICERS' DECORATION WARRANT". The London Gazette. 29 Gorffennaf 1892. Cyrchwyd 16 Mehefin 2018.
  3. http://www.bournemouthecho.co.uk/news/features/snapshotsofthepast/4994885.Milford_on_Sea_base_for_Edward_VII_s_lover_Patsy_Cornwallis_West/ adalwyd 12 Rhagfyr 2014
  4. "COL CORNWALLIS WEST - Herald of Wales and Monmouthshire Recorder". [s.n.] 1917-07-07. Cyrchwyd 2020-03-24.
Senedd y Deyrnas Unedig
Rhagflaenydd:
etholaeth newydd
Aelod Seneddol dros Orllewin Sir Ddinbych
18851892
Olynydd:
John Herbert Roberts