Sidon

Oddi ar Wicipedia
Jump to navigation Jump to search
Sidon
SidonNewCity.jpg
Math Dinas Edit this on Wikidata
Poblogaeth 200,000 Edit this on Wikidata
Cylchfa amser EET Edit this on Wikidata
Gefeilldref/i Constanța, Sofia, Sochi Edit this on Wikidata
Daearyddiaeth
Sir Sidon District Edit this on Wikidata
Gwlad Baner Libanus Libanus
Arwynebedd 7,000,000 m² Edit this on Wikidata
Cyfesurynnau 33.5606°N 35.3981°E Edit this on Wikidata
Manylion
Statws treftadaeth Tentative World Heritage Site Edit this on Wikidata
Y ddinas newydd o'r castell.

Dinas yn Libanus yw Sidon neu Saïda (Arabeg صيدا Ṣaydā; Ffeniceg Ṣydwn; Groeg: Σιδώνα). Saif ger y môr yn ne Libanus, tua 40 km i'r de o Beirut a 40 km i'r gogledd o Tyrus. Gyda poblogaeth o 200,000, hi yw'r drydedd dinas yn Libanus o ran maint.

Mae Sidon yn hen ddinas Ffenicaidd, efallai yr hynaf o ddinasoedd Ffenicia, gyda phobl yn byw yma o 4000 CC ymlaen. Gan wladychwyr o Sidon y sefydlwyd Tyrus, ac yn nes ymlaen bu cystadleuaeth ffyrnig rhwng y ddwy ddinas.

Am gyfnodau bu'r ddinas dan reolaeth yr Aifft, yna'n ddiweddarach yn rhan o Ymerodraeth Persia yna yn rhan o ymerodraeth Alecsander Fawr, brenin Macedon a'r Ymerodraeth Rufeinig. Cafodd Sidon gryn dipyn o ymreolaeth dan y Rhufeiniaid, gyda'r hawl i fathu ei harian ei hun. Dan yr ymerawdwr Elagabalus sefydlwyd colonia Rhufeinig yma gyda'r enw Colonia Aurelia Pia Sidon.

Cipiwyd y ddinas gan yr Arabiaid yn 636. Cipiwyd hi gan y Cristionogion yn 1110 yn ystod y Groesgad Gyntaf a daeth yn ganolfan Arglwyddiaeth Sidon, rhan o Deyrnas Jeriwsalem. Dinistrwyd hi gan y Mongoliaid yn 1260.