Romain Feillu

Romain Feillu
Gwybodaeth bersonol
Enw llawn	Romain Feillu
Dyddiad geni	16 Ebrill 1984 (39 oed)
Manylion timau
Disgyblaeth	Ffordd
Rôl	Reidiwr
Math seiclwr	Sbrintiwr
Tîm(au) Proffesiynol
2005–	Agritubel
	Golygwyd ddiwethaf ar; 11 Gorffennaf 2009

Seiclwr proffesiynol Ffrengig ydy Roman Feillu (ganed 16 Ebrill 1984). Ganwyd yn Châteaudun, ac mae'n frawd hŷn i Brice Feillu sydd hefyd yn seiclwr proffesiynol. Mae'n reidio dros dîm Agritubel ers 2005.^[1]

Dechreuodd ei yrfa proffesiynol fel reidiwr hyfforddedig (stagiaire) gydag Agritubel yn 2005. Fe roddodd argraff dda ar reolwyr y tîm, gan ennill cyntundeb gyda'r tîm yn y flwyddyn ganlynol. Enillodd y Grand Prix Tours a'r Tour de la Somme yn 2006. Yn 2007, enillodd gymal o'r Tour de Luxembourg a'r Circuit de l'Aulne. Cystadlodd hefyd yn y Tour de France am y tro cyntaf, gan orffen yn y deg uchaf mewn sbritiau grŵp dair gwaith. Tynnodd allan o'r ras wedi cymal 8, sef yr ail gymal mynyddig. Yn ddiweddarach yr un flwyddyn, enillodd y Tour of Britain a'r Paris-Bourges.

Yn 2008, enillodd y Circuit de l'Aulne. Gwisgodd Feillu y Crys Melyn am y tro cyntaf ar ôl cymal 4 Tour de France 2008, gan ennill y Crys Gwyn yr un adeg.

Canlyniadau[golygu | golygu cod]

2006: 1af Grand Prix Tours; 1af Tour de la Somme

2007: 1af Circuit de l'Aulne; 1af Cymal 3, Tour de Luxembourg; 1af Tour of Britain; 1af Paris-Bourges; 10fed Paris-Tours (UCI ProTour)

2008: 1af Circuit de l'Aulne; 1af Dosbarthiad cyffredinol ar ôl Cymal 4, Tour de France; 1af Dosbarthiad reidiwr ifanc ar ôl Cymal 4, Tour de France