Robert Herbert Williams
| Robert Herbert Williams | |
|---|---|
_(4671218).jpg) | |
| Ganwyd | 1805  Bangor |
| Bu farw | 20 Tachwedd 1876 |
| Dinasyddiaeth |  Cymru |
| Galwedigaeth | cerddor |
Cerddor o Gymro oedd Robert Herbert Williams (1805 – 20 Tachwedd 1876).
Cefndir[golygu | golygu cod]
Ganwyd ym mhlwyf Bangor, Sir Gaernarfon. Pan oedd yn fachgen, symudodd ei deulu i Lerpwl. Cafodd ei fagu fel dilledydd ac roedd ei deulu yn cadw siop ar Basnett Street ar gongl Williamson Square, Lerpwl.
Cerddoriaeth[golygu | golygu cod]
Yn 17 oed, cyfansoddodd yr emyn 'dymuniad' a chafodd ei weld gyntaf yn Y Drysarfa yn Ionawr 1835. Cafodd ei chyhoeddi wedyn yng Nghasgliad o Ddarnau ym 1843. Mae o wedi cyfansoddi sawl emyn arall ac wedi cyhoeddi casgliad bach ohonynt ym 1848 o dan yr enw Alawydd Trefriw.
Blynyddoedd olaf[golygu | golygu cod]
Am rai flynyddoedd, roedd yn byw yn Drogheda, Iwerddon. Dychwelodd i Lerpwl am gyfnod cyn mynd i fyw i Corfandy, Porthaethwy pan oedd yn wael nes iddo farw ar yr 20fed o Dachwedd 1876. Mae ei fedd ym mynwent Llantysilio.
Ffynonellau[golygu | golygu cod]
- Y Cerddor Cymreig (1861-1873), 1866 a 1868
- Y Cerddor, Mai 1893
- M. O. Jones, Bywgraffiaeth Cerddorion Cymreig (1890)