Rees Jones (Amnon)

Oddi ar Wicipedia
Jump to navigation Jump to search
Rees Jones
Ffugenw Amnon Edit this on Wikidata
Ganwyd 8 Hydref 1797 Edit this on Wikidata
Talgarreg Edit this on Wikidata
Bu farw 15 Chwefror 1844 Edit this on Wikidata (46 oed)
Dinasyddiaeth Baner Cymru Cymru
Galwedigaeth Bardd Edit this on Wikidata
Aelodau o gapel Undodaidd Pantydefaid, c.1885

Bardd gwlad o Geredigion oedd Rees Jones (8 Hydref 179715 Chwefror 1844), neu Amnon. Fe'i ganed ac fe'i magwyd yn rhan uchaf Dyffryn Clettwr, ger pentref Talgarreg, plwyf Llanarth. Tir Dyffryn Clettwr oedd yr enw am yr ardal honno yn oes y bardd.[1]

Bywgraffiad[golygu | golygu cod y dudalen]

Cafodd rywfaint o addysg dan David Davis yn ysgol Castellhywel, ond bu rhaid iddo adael yn ifanc oherwydd tlodi ei rieni i weithio ar y fferm deuluol yng Nghlettwr.[2]

Roedd yn fardd poblogaidd a ganai ar destunau cymdeithasol lleol - bywyd y pentref, cerddi i gyfeillion a chanu am fyd y ffermwr - a phynciau crefyddol, yn bennaf. Mae ei waith yn cynnwys enghreifftiau o "gerddi gwahodd" i gael y Cwrw Bach. Cyhoeddwyd ei waith barddonol yn y gyfrol Crwth Dyffryn Clettwr. Ysgrifennai ddarnau rhyddiaith i gylchgronau a newyddiaduron fel Seren Gomer, papur Joseph Harris (Gomer).[2]

Dioddefodd gyfnod hir o afiechyd ym mlynyddoedd olaf ei oes. Bu farw ar 15 Chwefror 1844, yn 46 oed, a chladdwyd ef ar y 19eg wrth gapel Pantydefaid.[2]

Llyfryddiaeth[golygu | golygu cod y dudalen]

  • Rees Jones (Amnon), Crwth Dyffryn Clettwr (1848; argraffiad newydd, Aberdâr 1906).
  • Rees Jones yn Y Bywgraffiadur Cymreig

Cyfeiriadau[golygu | golygu cod y dudalen]

  1. John Jones, 'Ychydig o hanes bywyd yr awdwr', yn Crwth Dyffryn Clettwr. Cofiant byr gan frawd y bardd.
  2. 2.0 2.1 2.2 John Jones, 'Ychydig o hanes bywyd yr awdwr', yn Crwth Dyffryn Clettwr.