Place Vendôme, Paris

Place Vendôme, Paris

Mae Place Vendôme, a adnabyddwyd yn gynharach fel Place Louis-le-Grand, a hefyd Place Internationale, yn sgwâr yn ardal (Arrondissement) 1af Paris, Ffrainc. Lleolir i'r gogledd o Erddi'r Tuileries ac i'r dwyrain o Eglwys y Fadlen. Dyma fan cychwyn Rue de la Paix. Codwyd y Golofn Vendôme wreiddiol yng nghanol y sgwâr gan Napoleon I i goffau Brwydr Austerlitz; rhwygwyd hi i lawr ar 16 Mai 1871, yn ystod Comiwn Paris, ond fe'i hailgodwyd yn ddiweddarach, ac mae'n parhau i fod yn nodwedd amlwg ar y sgwâr heddiw.

Erbyn 2024, mae Place Vendôme yn llawn o westai drud fel y Ritz a siopau gemwaith.

Ffilmiwyd rhifyn o'r gyfres Netflix Lupin yn Place Vendôme.

Metr yn Place Vendôme, Paris

Lleolir metr mewn marmor a archebwyd gan Convention nationale Ffrainc yma. Nod y metr oedd annog y defnydd o'r system fetrig newydd. O'r 16 metr o'r fath a luniwyd rhwng 1796 a 1799 ar gyfer llefydd prysuraf Paris, dim ond dau sydd i'w weld heddiw yn y brifddinas.

Pobl nodedig a fu'n byw yn Place Vendôme

• Franz Anton Mesmer meddyg o'r Almaen
• Frédéric Chopin cyfasoddwr, bu farw yn Place Vendôme.

Cyfeiriadau

Eginyn erthygl sydd uchod am Ffrainc. Gallwch helpu Wicipedia drwy ychwanegu ato.