Phylip Hughes

Oddi ar Wicipedia
Jump to navigation Jump to search
Phylip Hughes
Ganwyd 14 Mawrth 1937 Edit this on Wikidata
Dinasyddiaeth Baner Cymru Cymru
Alma mater
Galwedigaeth Actor, Athro Edit this on Wikidata

Actor o Gymro yw Phylip Hughes (ganwyd 14 Mawrth 1937). Mae'n adnabyddus am chwarae sawl cymeriad cofiadwy yn cynnwys Stan Bevan yn Pobol y Cwm a Mr Lloyd yn Rownd a Rownd.

Bywyd cynnar[golygu | golygu cod y dudalen]

Magwyd yn Nhrelawnwyd, Sir y Fflint.[1]

Gwnaeth Phylip ei wasanaeth milwrol am 18 mis yn Gibraltar gan weithio fel clerc. Dechreuodd focsio yno gan ennill gornest pwysau welter. Yn ôl yng Nghymru aeth i weithio fel athro ymarfer corff er roedd ei fryd ar fod yn actor neu ganwr.

Tra'n athro magodd deulu a chafodd pedwar o blant. Yn ystod y cyfnod yma aeth ati i astudio Lefel A cerddoriaeth, cyfle na chafodd yn yr ysgol. Penderfynodd wedyn adael dysgu a mynd i astudio cerddoriaeth ym Mhrifysgol Abertawe, gan weithio swyddi rhan amser fel gwas fferm. Wedi'r brifysgol aeth yn ôl i ddysgu fel pennaeth cerddoriaeth yn Ysgol Uwchradd Dinbych. Yn 39 oedd cafodd gyfle i fynd i Gaerdydd i ymuno a Cwmni Opera Cenedlaethol Cymru a bu yno am flwyddyn.

Gyrfa[golygu | golygu cod y dudalen]

Cafodd ei swydd actio cynta, drwy wahoddiad Rhydderch Jones, mewn rhaglen beilot o'r enw Bois y Bledren. Rhai misoedd wedyn cafodd y rhan o'r 'teddy-boy' Bleddyn yn y gomedi sefyllfa Hafod Henri (1986-1989) ac yn dilyn hynny rhan Tom yn y gomedi sefyllfa Teulu'r Mans (1988-1993). Yn y rhaglen ddychanol Plu Chwithig (1986-1987) roedd yn ysgrifennu a pherfformio cymeriad 'Y Dyn Sâl'. [2]

Bu'n chwarae Stan Bevan yn Pobol y Cwm am ddeng mlynedd rhwng 1984 a 1994.[3] Ymddangosodd fel yr athro 'Wali Welsh' yn y gyfres Jabas (1998-1990). Yna yn 1998 ymunodd a chast Rownd a Rownd yn chwarae Mr Lloyd. Mae hefyd wedi perfformio yng nghyfresi drama Con Passionate, Y Gwyll a Parch.[2]

Bu'n gwneud gwaith gwirfoddol gyda ffoaduriaid a threuliodd amser yng ngwersyll 'Jyngl Calais'.

Cyfeiriadau[golygu | golygu cod y dudalen]

  1. "Index entry". FreeBMD. ONS. Adalwyd 24 July 2018.  Check date values in: |access-date= (help)
  2. 2.0 2.1  Cyfweliad gyda Phylip Hughes. Rownd a Rownd (14 Mawrth 2017). Adalwyd ar 24 Gorffennaf 2018.
  3.  Stan Bevan. Wiki Pobol y Cwm. Adalwyd ar 24 Gorffennaf 2018.

Dolenni allanol[golygu | golygu cod y dudalen]