Neville Powell
| Neville Powell | |
|---|---|
| Ganwyd | 2 Medi 1963  Y Fflint |
| Dinasyddiaeth | y Deyrnas Unedig |
| Galwedigaeth | pêl-droediwr, rheolwr pêl-droed |
| Chwaraeon | |
| Tîm/au | C.P.D. Dinas Bangor, C.P.D. Cei Connah, Tranmere Rovers F.C. |
| Safle | canolwr |
Rheolwr pêl-droed a chyn chwaraewr pêl-droed proffesiynol Cymreig yw Neville Powell (ganed 2 Medi 1963) sy'n rheoli Tref Aberystwyth yn Uwch Gynghrair Cymru.
Gyrfa chwarae
[golygu | golygu cod]Dechreuodd Powell ei yrfa gyda Tranmere Rovers, gan sgorio ar ei ymddangosiad cyntaf i'r clwb yn 17 mlwydd oed ar 1 Mawrth 1981.[1]. Gwnaeth 86 ymddangosiad i'r clwb cyn gadael ym 1984 er mwyn ymuno â Dinas Bangor oedd, ar y pryd, yn chwarae yn Uwch Gynghrair Gogledd Lloegr (Saesneg: Northern Premier League).[1]. Treuliodd wythn mlynedd gyda'r Dinasyddion gan chwarae yn erbyn Atlético Madrid yng Nghwpan Enillwyr Cwpanau Ewrop ym 1985[2] ac yn nhymor cyntaf un Uwch Gynghrair Cymru[3].
Ym 1993 cymerodd yr awenau fel chwaraewr-reolwr gyda Chei Connah, ond daeth ei yrfa chwarae i ben ar ddiwrnod agoriadol tymnor 1996-97 wedi iddo dorri ei goes mewn gêm yn erbyn Llansantffraid[1].
Gyrfa rheoli
[golygu | golygu cod]Wedi 14 mlynedd wrth y llyw gyda Chei Connah cafodd Powell ei benodi'n reolwr ar Dinas Bangor yn 2007[4].
Llwyddodd Powell i ennill Uwch Gynghrair Cymru gyda Bangor yn 2010-11 yn ogystal ag arwain y clwb ar rediad hynod o 22 gêm heb golli gêm yng Nghwpan Cymru welodd Bangor yn ennill Cwpan Cymru yn 2007-08, 2008-09 a 2009-10 a chyrraedd rownd derfynol 2010-11[5]
Cafodd ei wobrwy fel Rheolwr y Flwyddyn yn Uwch Gynghrair Cymru yn 2009-10 a 2010-11[5] ond yn Gorffennaf 2016 cafodd ei ddiswyddo llai na thair wythnos cyn dechrau'r tymor.
Ar 11 Gorffennaf 2017, cyhoeddwyd mai Powell fyddai rheolwr newydd Tref Aberystwyth[1].
Mae Powell wedi ei anfarwoli yn Oriel Anfarwolion Uwch Gynghrair Cymru.
Cyfeiriadau
[golygu | golygu cod]- ↑ 1.0 1.1 1.2 1.3 "Powell takes charge at Aberystwyth". Cambrian News. 14 Gorffennaf 2017.[dolen farw]
- ↑ "Neville Powell and Bangor City's European odyssey". BBC Sport. 12 Gorffennaf 2011.
- ↑ "Teithio'r tymhorau: 1992/93". Sgorio.
- ↑ "Bangor appoint Powell as manager". BBC Sport. 9 Mai 2007.
- ↑ 5.0 5.1 "Bangor yn diswyddo Powell". Sgorio. 25 Gorffennaf 2016.