Neidr ddefaid
| Neidr Ddefaid | |
|---|---|
| |
| Dosbarthiad gwyddonol | |
| Teyrnas: | Animalia |
| Ffylwm: | Chordata |
| Dosbarth: | |
| Urdd: | Squamata |
| Is-urdd: | Lacertilia |
| Teulu: | Anguidae |
| Genws: | Anguis |
| Rhywogaeth: | A. fragilis |
| Enw deuenwol | |
| Anguis fragilis Linnaeus, 1758 | |
Mae'r neidr ddefaid neu neidr ddall (Lladin: Anguis fragilis; Saesneg: slow-worm) yn fadfall ddigoesau fach duriol sy'n byw ar wlithod, lindys ac abwyd, ac iddo fân-lygaid gweithredol. Enwau eraill arni yw dallneidr, slorwm, neidr fraith (yng ngogledd Cymru, yn arbennig ym Môn), maplath (yng Ngwent) a modrybwilan (yn ne ddwyrain Cymru).
Madfallod gyda chorff sarffaidd o liw brownaidd neu'r copr yw nadroedd defaid. Mae croen y neidr ddefaid yn llyfn gyda chennau bach nad yw'n gorgyffwrdd â'i gilydd. Fel pob madfall arall, mae gan nadroedd defaid y gallu i hunandorri, sy'n golygu eu bod yn medru diosg eu cynffonau er mwyn dianc rhag ysglyfaethwyr. Mae'r gynffon yn aildyfu ar ôl hynny, ond yn anaml i'w hyd blaenorol.
