Mosg Hanbali
 | |
| Enghraifft o'r canlynol | mosg  |
|---|---|
| Gwlad |  Palesteina |
 | |
| Gwladwriaeth | Gwladwriaeth Palesteina |
| Rhanbarth | Llywodraethiaeth Nablus, Nablus |
 Ffeiliau perthnasol ar Gomin Wicimedia | |
Mae'r Mosg Hanbali (a elwir hefyd yn Fosg Hanabila (Arabeg: المسجد الحنبلي) yn fosg mawr yng nghanol Nablus ym Mhalesteina, ychydig oddi ar Stryd Jama'a Kabir i'r de o Sgwâr y Merthyr ac i'r gorllewin o Fosg Mawr Nablus.[1]
Hanes[golygu | golygu cod]
Sefydlwyd Mosg Hanbali gan deulu al-Hanbali o Nablus ar ddechrau'r 16g, rhwng 1526-27, a'i enwi ar eu hôl. Defnyddiwyd colfnau cerrig hynafol gyda phriflythrennau cerfiedig wrth adeiladu'r mosg, a oedd fwy na thebyg yn dyddio o'r cyfnod Bysantaidd neu'r Rhufeiniaid.[2] Yn ôl traddodiad Mwslimaidd lleol, mae'r blwch pren a osodwyd o fewn y mosg yn cynnwys tri blewyn o wallt Muhammad, proffwyd Islam. Cludir y blwch yn flynyddol ar y 27fed diwrnod o Ramadan i addolwyr ei weld a cheisio bendithion ganddo.[3]
Ailadeiladwyd meindwr Mosg Hanbali ym 1913. Yn y 1930au cynhaliodd imam y mosg, Sheikh Muhammad Radi al-Hanbali gysylltiadau ag arweinydd y gwrthryfelwyr Izz al-Din al-Qassam. Gweinyddir materion sy'n ymwnud a'r mosg gan deulu Hanbali hyd heddiw.[4] Yn ystod rheolaeth Gwlad Iorddonen yn y Lan Orllewinol yn dilyn Rhyfel Arabiaid–Israeliaid 1948, roedd yn un o'r ychydig fosgiau a gynhaliodd ei bwyllgor zakat ei hun a fyddai'n rheoli casglu a dosbarthu cronfeydd zakat trwy'r gymuned leol.
Cyfeiriadau[golygu | golygu cod]
- ↑ Iriving, 2004, p. 212.
- ↑ Nofal, Aziza (29 June 2016). "Nablus' ancient mosques tell story of religions throughout history". Al Monitor. Archifwyd o'r gwreiddiol ar 16 August 2016. Cyrchwyd 14 August 2016.
- ↑ Irving, 2004, p. 220.
- ↑ Kedourie, p. 89.
Darllen pellach[golygu | golygu cod]
- Irving, Sarah (2012). Palestine. Bradt Travel Guides. ISBN 1841623679.
- Kedourie, Elie (1982). Zionism and Arabism in Palestine and Israel. Psychology Press. ISBN 0714631698.