Morfydd Llwyn Owen

Oddi ar Wicipedia
(Ailgyfeiriad o Morfudd Llwyn Owen)
Morfydd Llwyn Owen
Ganwyd1 Hydref 1891 Edit this on Wikidata
Trefforest Edit this on Wikidata
Bu farw7 Medi 1918 Edit this on Wikidata
o clorofform Edit this on Wikidata
Abertawe Edit this on Wikidata
DinasyddiaethBaner Cymru Cymru
Alma mater
Galwedigaethcanwr, cyfansoddwr Edit this on Wikidata
Arddullopera Edit this on Wikidata
Math o laismezzo-soprano Edit this on Wikidata
PriodErnest Jones Edit this on Wikidata

Cantores, pianydd a chyfansoddwraig oedd Morfydd Llwyn Owen (1 Hydref 18917 Medi 1918). Cafodd ei geni yn Nhrefforest, Sir Forgannwg.

Dyddiau cynnar[golygu | golygu cod]

Roedd yn ferch gerddorol yn gynnar iawn yn ei hoes a phan oedd yn 16 oed dechreuodd astudio'r piano a chyfansoddi gyda David Evans. Mynychodd Ysgol Ganolradd Pontypridd cyn cael ei derbyn i Brifysgol Caerdydd, gan ennill ysgoloriaeth gerddorol "Caradog" 1909-12 a graddio mewn cerddoriaeth yn 1912.[1]

Symudodd i Lundain i astudio dan Frederick Corder yn yr Academi Frenhinol ar ennill ysgoloriaeth Goring Thomas, 1913-7 gan ennill clod a nifer o wobrwyon am ganu a chyfansoddi.

Priododd y seiciatrydd Ernest Jones ar 6 Chwefror 1917, sef bywgraffydd swyddogol a chyfaill Sigmund Freud.[2]

Cerddoriaeth[golygu | golygu cod]

Ymysg ei chyfansoddiadau ceir gweithiau i gerddorfau, corau, unawdau piano a cheir ymdeimlad personol drwy lawer o'i gwaith.

Seiliodd lawer o'i gwaith ar ganeuon gwerin a llenyddiaeth Cymru. Ymhlith ei chyfansoddiadau mwyaf nodedig y mae Gweddi Pechadur, To our Lady of Sorrows a Slumber Song of the Madonna ac yn enghreifftiau o'i hathrylith; mae'r tair, a'r dôn gynulleidfaol 'William' wedi ennill eu plwyf yng Nghymru ers blynyddoedd.

Teledu[golygu | golygu cod]

Bu pennod ar hanes bywyd Morfydd Llwyn Owen ar S4C wedi ei chyflwyno gan Ffion Hague fel rhan o'r gyfres, Mamwlad ar ddarlledwyd yn 2016.[3] Gwnaed rhaglen drama ddogfen arni yn 2003.[4] Cafwyd rhaglen arall arni yn 2018.[5]

Cyfeiriadau[golygu | golygu cod]

  1. Y Bywgraffiadur Cymreig Arlein; Llyfrgell Genedlaethol Cymru; adalwyd 6 Chwefror 2017.
  2. Hafina Clwyd, Rhywbeth Bob Dydd (Gwasg Carreg Gwalch, 2008)
  3. https://www.bbc.co.uk/programmes/p03l91h9
  4. https://www.bbc.co.uk/programmes/p06jf0cg
  5. https://twitter.com/s4c/status/1073559846308454400

Dolenni allanol[golygu | golygu cod]