Max Stirner

Oddi ar Wicipedia
Jump to navigation Jump to search
Max Stirner
Max Stirner-k.jpg
Ganwyd Johann Caspar Schmidt Edit this on Wikidata
25 Hydref 1806 Edit this on Wikidata
Bayreuth Edit this on Wikidata
Bu farw 26 Mehefin 1856, 25 Mehefin 1856 Edit this on Wikidata (49 oed)
Achos: Brathau a phigiadau pryfed Edit this on Wikidata
Berlin Edit this on Wikidata
Dinasyddiaeth Yr Almaen Edit this on Wikidata
Alma mater
Galwedigaeth athronydd, newyddiadurwr, cyfieithydd, Ysgrifennwr Edit this on Wikidata
Adnabyddus am The Ego and Its Own Edit this on Wikidata
Prif ddylanwad Georg Hegel Edit this on Wikidata
Llofnod
Stirner Signature.jpg

Athronydd o Almaenwr oedd Max Stirner (Johann Kaspar Schmidt; 25 Hydref 180626 Mehefin 1856) sy'n nodedig am ei syniadaeth wrth-wladolaidd a gafodd ddylanwad pwysig ar anarchiaeth yn niwedd y 19g a dechrau'r 20g ac hefyd ar ddirfodaeth. Ei brif waith ydy'r llyfr Der Einzige und sein Eigentum (1844).

Bywgraffiad[golygu | golygu cod y dudalen]

Ganwyd Johann Kaspar Schmidt yn Bayreuth, Bafaria, ar 25 Hydref 1806. Astudiodd ddiwinyddiaeth, ieitheg, ac athroniaeth ym Mhrifysgol Friedrich Wilhelm, Berlin, ac yno mynychodd ddarlithoedd Georg Wilhelm Friedrich Hegel a gafodd ddylanwad mawr arno. Symudodd yn ddiweddarach i Brifysgol Erlangen.

Dychwelodd i Ferlin a gweithiodd yn athro mewn ysgol baratoi i ferched. Bu'n briod ddwywaith: i Agnes Burtz, o 1837 nes ei marwolaeth yn 1838, ac i Marie Dähnhardt o 1843 nes ysgariad yn 1846. Defnyddiodd gyfoeth ei ail wraig i ymddiswyddo a throi ei sylw at roi ei athroniaeth dan glawr. Yn y cyfnod hwn cyflawnodd ei gampwaith, Der Einzige und sein Eigentum, a gyhoeddwyd yn 1844 dan y ffugenw Max Stirner. Defnyddiodd arian ei wraig hefyd i hapfuddsoddi yn y diwydiant llaeth, ac o ganlyniad fe'i carcharwyd am fethu talu ei ddyledion. Dyma'r ymddygiad a berodd i Marie gael ysgariad oddi wrtho.

Wedi hynny, enillodd ei damaid yn gyfieithydd, ac efe wnaeth drosi The Wealth of Nations gan Adam Smith i'r Almaeneg. Cyfranodd erthyglau at y cyfnodolyn rhyddfrydol Rheinische Zeitung.[1] Bu farw ym Merlin ar 26 Mehefin 1856 yn 49 oed, wedi iddo gael ei frathu gan bryf gwenwynig.

Cyfeiriadau[golygu | golygu cod y dudalen]

  1. (Saesneg) Max Stirner. Encyclopædia Britannica. Adalwyd ar 22 Medi 2019.