Maureen Rhys

Maureen Rhys
Ganwyd	Maureen Jones  Cwm-y-glo
Dinasyddiaeth	Cymru
Alma mater	Prifysgol Bangor
Galwedigaeth	actor
Priod	John Ogwen

Un o actorion mwyaf blaenllaw Cymru yw Maureen Rhys (ganwyd 1944). Ganed yn Nghwm-y-glo, ger Caernarfon, Gwynedd. Magwyd gan ei nain, a mynychodd Ysgol Uwchradd Brynrefail yn Llanrug. Astudiodd ym Mhrifysgol Bangor.

Mae wedi gweithio fel actores ar lwyfan a theledu ers y 1960au. Mae wedi cydweithio'n aml gyda'i gŵr, yr actor John Ogwen. Perfformiodd gyda John yn nrama Y Tŵr gan Gwenlyn Parry, drama a gomisiynwyd ar gyfer Eisteddfod Genedlaethol Caerdydd 1978.

Un o'i rhanau cyntaf ar deledu oedd yn y ddrama deledu Mr. Lolipop, M. A. gyda Charles Williams ym 1970.

Chwareodd Bet yn y ffilm Tywyll Heno, addasiad o nofel Kate Roberts. Bu'n portreadu Marged Vaughan yn Lleifior yr addasiad teledu cyntaf o Cysgod Y Cryman i BBC Cymru yn y 1960au a Greta yn y gyfres deledu Lleifior i S4C yn y 1990au.

Bywyd personol

Maureen Rhys a'i theulu

Priododd John Ogwen yn 1966, wedi'r ddau gyfarfod ym mhrifysgol Bangor tra'n cyd-actio yn y ddrama, Hanes Rhyw Gymro gan John Gwilym Jones ym 1964. Mae ganddynt dri o blant ac maent yn byw ym Mhenrhosgarnedd, Bangor.

Cynyrchiadau

(detholiad)

Theatr

• Hanes Rhyw Gymro (1964) - Cymdeithas y Ddrama Gymraeg, Prifysgol Bangor.

Cwmni Theatr Cymru

• Y Tad a'r Mab (1973)
• Y Tŵr
• Esther
• Oidipos Frenin (1980)
• Alpha Beta
• Gymerwch chi Sigaret?

Cwmni Theatr Gwynedd

• Lle Mynno'r Gwynt
• Plas Dafydd
• Hywel A
• Pont Robat
• Dyddiau Difyr
• Y Gelli Geirios
• Enoc Huws

Teledu a Ffilm

• Seimon y Swynwr
• Mr Lolipop M.A
• Lleifior (1960au)
• Lleifior (1990au)
• Tywyll Heno
• Traed Mewn Cyffion
• Bob a'i Fam
• Y Stafell Ddirgel
• Dal: Yma/Nawr

Oriel

• 
• 
• 
• 
• 
• 
• 
• 

Cyfeiriadau

Eginyn erthygl sydd uchod am un o Gymru. Gallwch helpu Wicipedia drwy ychwanegu ato.