Marlon Brando

Oddi ar Wicipedia
Jump to navigation Jump to search
Marlon Brando
Marlon Brando 1963.jpg
Brando mewn Gorymdaith Hawliau Dinesig yn Washington, D.C., 28 Awst 1963
Ganwyd3 Ebrill 1924
Baner UDA UDA Omaha, Nebraska, UDA
Bu farw1 Gorffennaf 2004
Los Angeles, Califfornia, UDA
Yn enwog amA Streetcar Named Desire, On the Waterfront, Last Tango in Paris
GalwedigaethActor

Roedd Marlon Brando, Jr. (3 Ebrill 19241 Gorffennaf 2004) yn actor Americanaidd, enillydd Oscar, a ystyrir yn un o'r actorion ffilm mwyaf yr 20g.

Daeth â thechnegau actio method (neu'r System Stanislavski cyffelyb) a ddysgodd yn Actors Studio, Efrog Newydd, i amlygrwydd yn y ffilmiau A Streetcar Named Desire ac On the Waterfront, a gyfarwyddwyd ill dau gan Elia Kazan yn y 1950au cynnar. Cafodd ei ddull actio, ynghyd â'i bersona cyhoeddus fel dyn ar yr ymylon heb ddiddordeb yn Hollywood "swyddogol" y cyfnod, effaith bellgyrhaeddol ar y genhedlaeth o actorion newydd a ddaeth i'r amlwg ar ddiwedd y pumdegau ac yn ystod y 1960au cynnar.

Cymerai Marlon Brando ran amlwg mewn gweithgareddau gwleidyddol yn ogystal, e.e. y Mudiad Hawliau Dinesig yn America a'r American Indian Movement.

Fe'i enwyd y pedwerydd Seren Gwrywaidd Mwyaf Erioed gan Gymdeithas Ffilm America (The American Film Institute).