Mark Stacey
| Mark Stacey | |
|---|---|
 | |
| Ganwyd | 23 Medi 1964  Castell-nedd |
| Dinasyddiaeth |  Cymru |
| Galwedigaeth | gwerthwr hen greiriau |
Mae Mark Stacey (a aned 23 Medi 1964) yn brisiwr ac arwerthwr Cymreig. Mae hefyd yn bersonoliaeth deledu sy'n ymddangos yn rheolaidd ar raglenni'r BBC fel arbenigwr hen greiriau.
Bywgraffiad a gyrfa broffesiynol[golygu | golygu cod]
Ganwyd Stacey yng Nghastell-nedd.[1] Symudodd i Lundain a bu'n gweithio ar gyfer tai ocsiwn Bonhams a Sotheby. Yna daeth yn bennaeth y Celfyddydau Addurnol ac yn ddiweddarach yn Gyfarwyddwr yn Hamptons / Dreweatt Neate Fine Art.[2]
Mae Stacey wedi ymddangos yn rheolaidd fel arbenigwr hen greiriau ar raglenni'r BBC, Bargain Hunt, Flog It!,[3] Put Your Money Where Your Mouth Is a'r Antiques Road Trip.[4][5] Ym mis Mehefin 2009, cymerodd Stacey ran mewn cyfweliad ysgafn ar raglen amser cinio'r BBC Daily Politics lle gofynnwyd am ei farn ar werth eitemau a oedd yn eiddo i wleidyddion, yn sgil sgandal treuliau Senedd y DU.[6]
Yn 2014 ymddangosodd fel cystadleuydd ar y rhaglen cwis Pointless Celebrities.[7]
Yn 2011 agorodd Stacey siop creiriau yn Kemptown, Brighton, Dwyrain Sussex.[8]
Yn 2014 daeth Stacey yn arwerthwr a phrisiwr gydag arwerthwyr Reeman Dansie yn Colchester, Essex a daeth o hyd i sarcoffagws hynafol o'r Aifft, yn gorwedd ar wall tŷ yn Essex, a werthodd am £ 13,500.[9]
Bywyd personol[golygu | golygu cod]
Mae gan Stacey un brawd a dwy chwaer.[1] Bu'n gweithio fel gweithiwr cymdeithasol preswyl cyn mynd i'r fasnach hen greiriau.[8]
Mae Mark yn hoyw ac yn ymgyrchydd amlwg dros hawliau LHDT. Mae'n byw efo partner Sbaenaidd o'r enw Santiago[10][11]
Ffug adroddiadau am ei farwolaeth[golygu | golygu cod]
Ar 20 Mehefin, 2015, cyhoeddodd The Vancouver Courier coflith ar gyfer gŵr o'r enw Mark Stacey. Arweiniodd hyn at nifer o negeseuon o gydymdeimlad a thristwch am farwolaeth yr arbenigwr hen greiriau Cymreig ar y cyfryngau cymdeithasol cyn canfod mae gŵr arall oedd yn rhannu'r un enw oedd yr ymadawedig.[10] Bu ffug pryderon am ei fywyd eto yn 2017 wedi adroddiadau yn y wasg bod gŵr arall o'r enw Mark Stacey wedi mynd ar goll.[11]
Dolenni allanol[golygu | golygu cod]
Cyfeiriadau[golygu | golygu cod]
- ↑ 1.0 1.1 "Bargain Hunt and Flog It Antiques Expert". Wayback. Archifwyd o'r gwreiddiol ar 4 Hydref 2011. Cyrchwyd 20 Rhagfyr 2018.
- ↑ "About Mark". Mark D Stacey. Cyrchwyd 20 Rhagfyr 2018.
- ↑ Gwfan Flog It! BBC adalwyd 20 Rhagfyr 2018
- ↑ Bate, Karen (16 Hydref 2011). "Two antiques dealers to star on TV". Salisbury Journal. Cyrchwyd 20 Rhagfyr 2018.
- ↑ Rahman, Sophia (10 Ionawr 2013). "East Lancashire antiques dealers step into the TV spotlight". Lancashire Telegraph. Cyrchwyd 20 Rhagfyr 2018.
- ↑ "Bath plug, duck house or trouser press?". BBC Daily Politics. 10 Mehefin 2009. Cyrchwyd 20 Rhagfyr 2018.
- ↑ Mark Stacey ar IMDb
- ↑ 8.0 8.1 "Interview with Flog It! presenter Mark Stacey". Sussex Life. 20 Medi 2012. Archifwyd o'r gwreiddiol ar 2018-11-13. Cyrchwyd 20 Rhagfyr 2018.
- ↑ "Egyptian sarcophagus found in Essex home sells for £13,500". BBC News. 27 Tachwedd 2014. Cyrchwyd 20 Rhagfyr 2018.
- ↑ 10.0 10.1 Hollywood Mask 3 Hydref 2018, Mark Stacey Hints Married Life! Talks Partner, Gay Support Amid Death Rumors adalwyd 20 Rhagfyr 2018
- ↑ 11.0 11.1 Ramp Up 11 Gorffennaf 2018 Mark Stacey, Bargain Hunt Partner Now! Close To Death But Very Alive adalwyd 20 Rhagfyr 2018