Marchnad Caerdydd

Oddi ar Wicipedia
Neidio i: llywio, chwilio
Mynediad Heol y Drindod i Farchnad Caerdydd

Marchnad Fictoraidd dan do yw Marchnad Caerdydd neu Marchnad Ganolog Caerdydd, yn Ardal y Castell yng nghanol Caerdydd, prifddinas Cymru.

Cefndir[golygu | golygu cod y dudalen]

Tu Fewn Marchnad Caerdydd o'r llawr cyntaf

Mae'r farchnad ar safle gwreiddiol carchar Caerdydd ac roedd y grocbren wedi ei leoli wrth fynediad Heol Eglwys Fair lle grogwyd Dic Penderyn ar 13 Awst 1831.

Fe ddyluniwyd y farchnad gan Arolygwr y Fwrdeistref, William Harpur, a fe'i hagorwyd yn Mai 1891.[1] Roedd marchnad ffarmwr wedi bodoli ar y safle ers yr 18fed ganrif.

Mynediad Heol Eglwys Fair i Farchnad Caerdydd

Mae dau lawr o siopau yn y farchnad, llawr gwaelod a lefel balconi sy'n amgylchynu'r waliau mewnol. Mae mynediadau i'r farchnad ar Heol Eglwys Fair, Heol y Drindod a lôn oddi ar Heol yr Eglwys.

Mae cloc mawr H. Samuel wedi hongian uwchben mynediad Heol Fawr ers 1910. Mae'r cloc presennol yn dyddio o 1963 (gan Smith of Derby) a fe'i hadferwyd ar gost o £25,000 yn 2011.[2][3]

Ers 1975 mae'r adeilad wedi ei rhestru ac yn Radd II* ar hyn o bryd.[4]

Stondinwyr[golygu | golygu cod y dudalen]

Mae masnachwyr yn y farchnad yn cynnig amrywiaeth o gynnyrch ffres, bwyd wedi ei goginio, danteithion amrywiol a rhai nwyddau parhaol.

Masnachwr nodedig iawn yw Ashton y gwerthwr pysgod, sy'n honni eu bod wedi masnachu yn y farchnad ers 1866,[5] sydd wedi eu lleoli wrth fynediad Heol y Drindod ac yn gwerthu amrywiaeth eang o fwyd môr ffres. Fe roedden nhw yn y newyddion yn 2012 pan wnaethon nhw werthu cig o lwynog môr (thresher shark) 20 troedfedd a 550 pwys.[6]

Masnachwr arall ers tro yw'r Market Deli, busnes bach teuluol sy'n masnachu ers dros 100 mlynedd, ar yr un stondin ers 1928.[7]

Gweler hefyd[golygu | golygu cod y dudalen]

Rhestr o arcedau siopa yng Nghaerdydd

Cyfeiriadau[golygu | golygu cod y dudalen]

Dolenni allanol[golygu | golygu cod y dudalen]

Comin Wikimedia
Mae gan Gomin Wikimedia
gyfryngau sy'n berthnasol i:

Cyfesurynnau: 51°28′48″N 3°10′43″W / 51.4801°N 3.1787°W / 51.4801; -3.1787