Madeleine Thien

Oddi ar Wicipedia
Jump to navigation Jump to search
Madeleine Thien
Madeleine thiene.JPG
Ganwyd 25 Mai 1974 Edit this on Wikidata
Vancouver Edit this on Wikidata
Dinasyddiaeth Baner Canada Canada
Alma mater
  • Prifysgol Simon Fraser
  • Prifysgol British Columbia Edit this on Wikidata
Galwedigaeth awdur, nofelydd, ysgrifennwr Edit this on Wikidata
Cyflogwr
  • Coleg Brooklyn Edit this on Wikidata
Adnabyddus am Do Not Say We Have Nothing Edit this on Wikidata
Partner Rawi Hage Edit this on Wikidata
Gwobr/au Gwobr Scotiabank Giller, Gwobr y Llywodraethwr Cyffredinol am ffuglen Saesneg Edit this on Wikidata

Awdur straeon byrion o Ganada yw Madeleine Thien (Tsieinieg traddodiadol: 鄧敏 靈; ganwyd 25 Mai 1974) sydd hefyd yn nofelydd nodedig. Erbyn 2019, cyfieithwyd ei llyfrau i fwy na 25 o ieithoedd. [1][2]

Mae Llawlyfr Llenyddiaeth Canada yn mynegi bod ei gwaith yn adlewyrchu natur gynyddol draws-ddiwylliannol llenyddiaeth Canada, gan archwilio celf, mynegiant a gwleidyddiaeth y tu mewn i Gambodia a Tsieina, yn ogystal ag o fewn cymunedau Asiaidd diasporig.[3][4]

Yn 2016 enillodd ei nofel Do Not Say We Have Nothing, Wobr y Governor General am ffuglen Saesneg, Gwobr Scotiabank Giller, a Gwobr Edward Stanford am y Teithlyfr Ffuglenol Gorau. Fe'i rhoddwyd ar y rhestr fer yn 2016 ar gyfer Gwobr Man Booker, Baileys Women's Prize for Fiction, a Gwobr Rathbones Folio Prize (2017).

Magwraeth[golygu | golygu cod y dudalen]

Fe'i ganed yn Vancouver i dad Tsieineaidd o Malaysia a mam Tsieineaidd o Hong Kong. Astudiodd ddawns gyfoes ym Mhrifysgol Simon Fraser a gradd Meistr yn y Celfyddydau Cain gan arbenigo mewn Ysgrifennu Creadigol o Brifysgol British Columbia.[5]

Gwnaeth Thien y penderfyniad i newid o Ddawns i ysgrifennu creadigol am ychydig resymau, ond yn bennaf oherwydd ei bod yn teimlo'n annigonol o ran ei thalent, er gwaethaf ei hangerdd dros y gelfyddyd. Cyn gweithio fel golygydd i'r Rice Paper Magazine, bu’n gweithio, o oedran ifanc, mewn swyddi clerigol, manwerthu ac men bwyty. [6][7]

Gyrfa[golygu | golygu cod y dudalen]

Mae llawer o weithiau Thien yn canolbwyntio ar y thema 'amser' mewn cysylltiad â 'lle' ac 'emosiwn dynol'. Mewn cyfweliad â Granta o 2016, dywed ei bod yn meddwl am “y ffordd mae bywydau menywod yn cael eu mynegi mewn llenyddiaeth ar hyn o bryd,” a bod ganddi ddiddordeb mewn ysgrifennu am fenywod o liw ac am rhywioldeb.

Yn 2001, cyhoeddwyd ei llyfr cyntaf o'r enw Simple Recipes. Mae'r llyfr yn gasgliad o ddarnau byrion o ffuglen sy'n archwilio gwrthdaro o fewn cenedlaethau ac mewn dwy stori, perthnasoedd rhyngddiwylliannol.[8] Yn yr un flwyddyn, addasodd Thien ffilm fer yr artist Joe Chang (a gomisiynwyd gan y Bwrdd Ffilm Cenedlaethol), The Chinese Violin (2001), yn llyfr plant. Mae'r stori'n dilyn taith merch ifanc Tsieineaidd wrth iddi hi a'i thad, sy'n gerddor, addasu i fywyd yn Vancouver.[9]

Mae nofel gyntaf Thien, Sicrwydd (Toronto: M&S, 2006; Efrog Newydd: Little, Brown, 2007; London: Faber, 2007), yn dilyn cynhyrchydd dogfennol wrth iddi chwilio am y gwirionedd am brofiad ei thad yn byw ym Malysia dan reolaeth Japan. Cyhoeddwyd y nofel yn rhyngwladol a'i chyfieithu i 16 iaith.

Anrhydeddau[golygu | golygu cod y dudalen]

  • Dros y blynyddoedd, derbyniodd nifer o anrhydeddau, gan gynnwys: Gwobr Scotiabank Giller (2016), Gwobr y Llywodraethwr Cyffredinol am ffuglen Saesneg (2016)[10] .

Cyfeiriadau[golygu | golygu cod y dudalen]

  1. Rhyw: Lua error in Modiwl:Cite_Q at line 227: attempt to call upvalue 'getPropOfProp' (a nil value). Lua error in Modiwl:Cite_Q at line 227: attempt to call upvalue 'getPropOfProp' (a nil value).
  2. Man geni: Lua error in Modiwl:Cite_Q at line 227: attempt to call upvalue 'getPropOfProp' (a nil value).
  3. Sugars, Cynthia (2016). The Oxford Handbook of Canadian Literature. New York: University of Oxford Press. tt. 71, 574, 892.
  4. Kröller, Eva-Marie (2017-06-08). The Cambridge companion to Canadian literature. Kröller, Eva-Marie (arg. Second). Cambridge. ISBN 9781107159624. OCLC 971615629.
  5. LORRE-JOHNSTON, CHRISTINE. "Madeleine Thien". The Canadian Encyclopedia (yn Saesneg). Cyrchwyd 2017-03-21.
  6. Anrhydeddau: https://en.wikipedia.org/wiki/Giller_Prize.
  7. "Emerging Writers Award". www.asiancanadianwriters.ca. Cyrchwyd 2017-03-21.
  8. "Reading Guide: Simple Recipes". PenguinRandomHouse Canada.
  9. "The Chinese Violin". Today's Parent 19: 18. 2002.
  10. https://en.wikipedia.org/wiki/Giller_Prize.