Ffuglen
Neidio i'r panel llywio
Neidio i'r bar chwilio
| Data cyffredinol | |
|---|---|
| Enghraifft o'r canlynol | genre o fewn celf  |
| Math | gwaith celf, naratif |
| Y gwrthwyneb | ffeithiol |
 Ffeiliau perthnasol ar Gomin Wicimedia | |
Ffuglen yw gwaith sy'n adrodd stori nad yw'n hollol seiliedig ar ffeithiau. Y prif bwrpas fel rheol yw difyrrwch, er y gall fod gan yr awdur amcanion eraill hefyd. Gall fod yn ysgrifenedig neu ar lafar. Er enghraifft, credir fod chwedlau fel Pedair Cainc y Mabinogi a Culhwch ac Olwen wedi dechrau fel chwedlau llafar, ac wedi cael eu rhoi mewn ysgrifen yn ddiweddarach, er bod beirniaid ac ysgolheigion yn anghytuno pa bryd y bu hyn.
Ymhlith elfennau pwysicaf ffuglen mae cymeriadau, plot (cynllun y stori) a lleoliad. Ceir nifer o wahanol ffurfiau o ffuglen ysgrifenedig; y mwyaf cyffredin yw'r nofel a'r stori fer. Gellir hefyd dosbarthu ffuglen yn ôl genre, er enghraifft Ffuglen wyddonol.
Fel rheol mae ffuglen ar ffurf rhyddiaith greadigol.
