MŠK Žilina

Oddi ar Wicipedia
MŠK Žilina
Enw llawnMŠK Žilina a.s.
LlysenwauŠošoni ("Y Shoshone")
Žlto-Zelení ("Y Melyn-Gwyrdd")
Sefydlwyd20 Mehefin 1908; 115 o flynyddoedd yn ôl (1908-06-20)
fel Zsolnai Testgyakorlók Köre
MaesŠtadión pod Dubňom
(sy'n dal: 11,258)
PerchennogJozef Antošík
CadeiryddJozef Antošík
RheolwrPavol Staňo
CynghrairFortuna Liga
2022–23Fortuna Liga, 6.
GwefanHafan y clwb
Lliwiau Cartref
Lliwiau Oddi cartref
Lliwiau Trydydd dewis

Clwb pêl-droed yn Slofacia yw MŠK Žilina (ynganiad Slofaceg: [ˈɛm ˈɛʃ ˈkaː ˈʒilina]) sydd wedi'i leoli yn nhref Žilina, sy'n chwarae yn y Superliga Slofacia. Ers sefydlu'r gynghrair ym 1993, mae'r clwb wedi ennill 7 teitl (cywir ar ddiwedd tymor 2019/20), a does ond un clwb wedi ennill mwy, felly maent yn un o'r timau mwyaf llwyddiannus yn y gystadleuaeth. Mae gan y clwb a'u cefnogwyr fel ei gilydd y llysenw Šošoni (ar ôl y Shoshone - llwyth brodorol yr Amerig) ac mae'n chwarae ei gemau cartref yn Štadión pod Dubňom. Yn nhymor 2016-17, enillodd Žilina yr Uwch Gynghrair.

Hanes[golygu | golygu cod]

Blynyddoedd Cynnar[golygu | golygu cod]

Sefydlwyd y clwb tua diwedd 1908 dan yr enw Hwngareg Zsolnai Testgyakorlók Köre, ac fe’i cofrestrwyd yn swyddogol ar 20 Mehefin 1909 - roedd Slofacia yn rhan o Hwngari ac Ymerodraeth Awstria-Hwngari ar y pryd. Enillodd y clwb ei bencampwriaeth Slofacia gyntaf (Zväzové majstrovstvá Slovenska) ym 1928 ac yna un arall ym 1929 ar adeg pan oedd Slofacia yn rhan o weriniaeth newydd Tsiecoslofacia a gydag elfen o ymreolaeth.

Cynghrair Tsiecoslofacia[golygu | golygu cod]

Yn gyfan gwbl, chwaraeodd Žilina 30 allan o 47 tymor [1] yng Nghynghrair Gyntaf Tsiecoslofacia rhwng 1945 a 1993. Dim ond 12 clwb oedd wedi treulio mwy o amser yno.[2] Y tymor mwyaf llwyddiannus o hyd yw 1946-47 pan wnaethant gipio'r 4ydd safle.

Mae llawer yn ystyried bod 1961 yn garreg filltir yn hanes y clwb. Yn gyntaf, fe gyrhaeddodd y tîm rownd derfynol y Cwpan Cenedlaethol, lle gwnaethant golli i Dukla Prâg, pencampwr Tsiecoslofacia yn y pen draw. Er gwaethaf y golled, am y tro cyntaf yn ei hanes fe dorrodd y clwb, a elwid wedyn yn Dynamo Žilina, i mewn i Ewrop i gystadlu yng Nghwpan Enillwyr Cwpan UEFA. Cafwydd buddugoliaethau nodedig 3–2 ac 1–0 dros Olympiacos wrth gyrraedd rownd yr wyth olaf, ond cafodd tîm uchelgeisiol Slofacia ei fwrw allan yn y pen draw gan enillydd y flwyddyn flaenorol, Fiorentina. Er i Žilina fachu buddugoliaeth addawol 3–2 gartref, aeth Fiorentina drwodd drwy ennill yr ail gymal 2–0.

Enwau ar hyd yr Hanes[golygu | golygu cod]

MŠK Žilina yn herio ŠK Slovan Bratislava, mis Mai 2009

Am resymau i wneud â newid grym a gwleidyddiaeth a nawdd, mae'r clwb wedi newid enw sawl gwaith yn ystod ei hanes:

  • 1908 – ZsTK (Zsolnai Testgyakorlók Köre) - cyfnod o dan hegemoni ddiwylliannol Hwngari
  • 1909 – ŽTK Žilina
  • 1919 – ŠK Žilina - sefydlu gweriniaeth newydd Tsiecoslofacia
  • 1948 – Sokol Slovena Žilina - rheolaeth gomiwnyddiol o Tsiecoslofacia wedi'r Ail Ryfel Byd
  • 1953 – Iskra Slovena Žilina
  • 1956 – DŠO Dynamo Žilina
  • 1963 – TJ Jednota Žilina
  • 1967 – TJ ZVL Žilina
  • 1990 – ŠK Žilina
  • 1995 – MŠK Žilina - diddymwyd Tsiecoslofacia yn 1993, cyfnod Slofacia annibynnol

Cyfnod newydd - Cynghrair Slofacia[golygu | golygu cod]

Yn dilyn diddymu Tsiecoslofacia ym 1993, mae MŠK Žilina wedi bod yn chwarae yn Superliga Slofacia am gyfanswm o 23 tymor ac eithrio'r tymor 1995-96 ar ôl disgyn i'r Ail Adran.

Fe wnaethant chwarae yng Nghwpan UEFA 2008–09, gan gyrraedd y camau grŵp lle gwnaethant guro Aston Villa 2–1 ym Mharc Villa.

Yn 2015 cyrhaeddodd y clwb 4edd rownd ragarweiniol Cynghrair Europa UEFA wedi iddynt guro Athletic Bilbao 3–3 (3–2, 0–1).

Cefnogwyr[golygu | golygu cod]

cefnogwyr Fanatici zilina mewn gêm yn Prâg, 2011

Gelwir cefnogwyr MŠK Žilina yn Žilinskí Šošoni (Shoshones Žilina), Brigâd y Gogledd ac Žilinskí Fanatici (Ffanatics Žilina). Mae cefnogwyr Žilina yn cynnal cysylltiadau cyfeillgar â chefnogwyr Pwylaidd, Góral Żywiec.[3]

Stadiwm[golygu | golygu cod]

Štadión Pod Dubňom yw eu stadiwm cartref. Mae'n dal 11,181 o gefnogwyr.[4]

MŠK Žilina a Chlybiau Cymru[golygu | golygu cod]

Ym mis Awst chwaraeodd MŠK Žilina ei gêm gyntaf yn erbyn tîm o Gymru sef Y Seintiau Newydd yng nghystadleuaeth Cynghrair Europa UEFA. Chwaraewyd y gêm ar 27 Awst yn Neuadd y Parc, maes y Seintiau Newydd yng Nghroesoswallt. Bu i MŠK Žilina golli i'r tîm Cymreig, 3-1 mewn amser ychwanegol.[5] Sgoriwyd goliau'r Seintiau gan Louis Robles, Leo Smith ac Adrian Cieslewicz gyda Patrik Myslovic yn sgorio dros MŠK Žilina.[6]

Anrhydeddau[golygu | golygu cod]

Domestig[golygu | golygu cod]

Czechoslovakia Czechoslovakia

Slofacia Slofacia Annibynnol

  • Slovak Super Liga (1993–presennol)
    • Enillwyr (7): 2001–02, 2009–10, 2011–12, 2016–17
    • Ail (5): 2004–05, 2007–08, 2008–09, 2014–15, 2019–20
  • Cwpan Slofacia (1961–presennol)
    • Enillwyr (2): 1961, 2011–12
    • Ail (7): 1977, 1980, 1986, 1990, 2011, 2013, 2019
  • Pribina Cup (Super Cup Slofacia) (1993–presennol)
    • Enillwyr (4): 2003, 2004, 2007, 2010

Ewrop[golygu | golygu cod]

Dolenni[golygu | golygu cod]

Cyfeiriadau[golygu | golygu cod]

  1. ↑ Czechoslovakia 1945–1993, Malcolm Hodgson – Zbynek Pawlas, Rec.Sport.Soccer Statistics Foundation RSSSF
  2. ↑ Czechoslovakia – All-Time Table 1925-2003, Jiřν Slavνk, Rec.Sport.Soccer Statistics Foundation RSSSF
  3. ↑ "Futbaloví chuligáni: Kto do koho kope". Aktuality.sk.
  4. ↑ "MŠK Žilina". Soccerway. Perform. Cyrchwyd 26 June 2017.
  5. ↑ https://www.bbc.co.uk/cymrufyw/53940968
  6. ↑ https://twitter.com/sgorio/status/1299086772266295302
Eginyn erthygl sydd uchod am bêl-droed. Gallwch helpu Wicipedia drwy ychwanegu ato.
Wedi dod o "https://cy.wikipedia.org/w/index.php?title=MŠK_Žilina&oldid=11829792"