Luigi Pulci

Oddi ar Wicipedia
Jump to navigation Jump to search
Luigi Pulci
Pulci.jpg
Ganwyd 15 Awst 1432 Edit this on Wikidata
Fflorens Edit this on Wikidata
Bu farw 11 Tachwedd 1484 Edit this on Wikidata (52 oed)
Padova Edit this on Wikidata
Galwedigaeth Bardd, Ysgrifennwr, diplomydd Edit this on Wikidata

Bardd Eidalaidd yn yr iaith Eidaleg oedd Luigi Pulci (15 Awst 143211 Tachwedd 1484) sy'n nodedig am ei arwrgerdd ddifrif-ddigrif Morgante (1483), un o'r enghreifftiau gwychaf o farddoniaeth epig yn holl lenyddiaeth y Dadeni.

Ganwyd i deulu o lenorion tlawd yn Fflorens. Bu Luigi dan nawdd teulu'r Medici, ac yn gyfaill i'r ysgolhaig a bardd Poliziano, un arall o wŷr Lorenzo Odidog. Yn ddiweddarach, penodwyd Pulci i sawl llysgenhadaeth ar gais Lorenzo pan oedd yr hwnnw yn Arglwydd Fflorens. Er ei weithgareddau llenyddol a diplomyddol, ni lwyddodd Pulci i wella'i safle ariannol, a thua 38 oed fe ymunodd â byddin y condottiere Roberto Sanseverino. Bu'n hurfilwr yng nghwmni Sanseverino nes iddo farw o afiechyd yn Padova, Gweriniaeth Fenis, yn 52 oed.[1]

Mae ei gampwaith, Morgante, yn cyfuno deunydd o ramantau'r Ffrancod a themâu sifalri gyda golygfeydd doniol a bwrlésg sy'n adlewyrchu bywyd y stryd ac hwyliau'r werin yn Fflorens. Â'r bardd ar grwydr yn aml i fynegi, mewn arddull aruchel, ei ansicrwydd moesol a'i bryderon crefyddol, ac i fyfyrio ar bynciau anianol. Cyfansoddai'r y gerdd hon ar fesur ottava rima, sef penillion o wyth llinell unarddecsill, ac mewn 28 o ganiadau. Cychwynnodd Pulci ar Morgante tua 1460, a chyhoeddwyd y gerdd yn llawn yn 1483.

Cyfeiriadau[golygu | golygu cod y dudalen]

  1. (Saesneg) Luigi Pulci. Encyclopædia Britannica. Adalwyd ar 17 Mehefin 2019.