Llyn y Fedw
 | |
| Math | llyn  |
|---|---|
| Daearyddiaeth | |
| Rhan o'r canlynol | Rhinogydd |
| Sir | Gwynedd |
| Gwlad |  Cymru |
| Cyfesurynnau | 52.876049°N 4.044221°W |
 | |
Llyn yn ne Gwynedd yw Llyn y Fedw. Fe'i lleolir yng nghymuned Talsarnau, tua 2 filltir i'r de o bentref Talsarnau ei hun a thua 3 milltir i'r gogledd-ddwyrain o Harlech yn ardal Ardudwy, Meirionnydd.
Saif y llyn hwn 1,062 troedfedd[1] i fyny ar lethrau Craig Ddrwg ym mhen gogleddol mynyddoedd y Rhinogau. Llifa ffrwd o ben gogleddol y llyn i ymuno yn Afon Eisingrug gerllaw pentrefan Eisingrug.[2]
Mae'r llyn yn ddwfn yn ei ganol gydag ymylon bas, creigiog. Ceir brithyll niferus yn y llyn, sydd ar ystad Arglwydd Harlech.[1]
Ychydig i'r gorllewin o'r llyn ceir Moel Goedog, bryn sydd â bryngaer ar ei gopa ynghyd â sawl carnedd gylchog.
Cyfeiriadau
[golygu | golygu cod]- ↑ 1.0 1.1 Frank Ward, The Lakes of Wales (Herbert Jenkins, Llundain, 1931).
- ↑ Map OS 1:50,000 Landranger 124 Dolgellau.