Afon Eisingrug

Oddi ar Wicipedia
Jump to navigation Jump to search
Afon Eisingrug
Math afon Edit this on Wikidata
Daearyddiaeth
Sir Gwynedd Edit this on Wikidata
Gwlad Baner Cymru Cymru
Gerllaw Afon Dwyryd Edit this on Wikidata
Cyfesurynnau 52.888243°N 4.037808°W Edit this on Wikidata
Tarddiad Llyn Caerwych Edit this on Wikidata
Aber Llanfihangel-y-traethau Edit this on Wikidata

Afon yn ne Gwynedd yw Afon Eisingrug. Mae'n llifo trwy ran o ogledd-orllewin bro Ardudwy. Ei hyd yw tua 4.5 milltir.

Llyn Caerwych, mewn pant eang ar lethrau gorllewinol Bryn Cader Faner yw tarddle'r afon. O'r llyn mae'r afon yn llifo i'r de am hanner milltir cyn troi i lifo ar gwrs gorllewinol i lawr heibio i bentref bychan Eisingrug ac wedyn yn syrth trwy Lyn Cywarch i bentref Glan-y-wern. Mae pont yn dwyn y ffordd A496 drosti ger Glan-y-wern ac un arall fymryn yn is i lawr yn dwyn Rheilffordd Arfordir Cymru.

Afon Eisingrug yn llifo dan Bont Glan-y-wern.

Mae rhan olaf ei chwrs yn weddol syth dros ymyl ogleddol Morfa Harlech. Mae'n cyrraedd ei haber ger Llanfihangel-y-traethau lle mae ffrwd fechan o Forfa Harlech yn ymuno â hi i lifo i'r Traeth Bychan. Pan fo'r llanw'n isel gwelir ei gwely ar y traeth am hanner milltir arall hyd at Afon Dwyryd.