Llyn Pen-rhaeadr

Oddi ar Wicipedia
Jump to navigation Jump to search
Llyn Pen-rhaeadr

Llyn bychan yng nghanolbarth Cymru yw Llyn Pen-rhaeadr (hefyd Llyn Pen-rhaiadr). Fe'i lleolir yn union ar y ffin sirol rhwng Ceredigion a Powys tua 5 milltir i'r de o dref Machynlleth. Dyma darddle Afon Llyfnant, un o lednentydd Afon Dyfi.

Disgrifiad[golygu | golygu cod y dudalen]

Saif y llyn tua 400 meter i fyny yn rhan ogleddol bryniau Pumlumon, 2 filltir i'r gogledd o safle Brwydr Hyddgen. Rhos y Llyn y gelwir y gwaundir o'i gwmpas. Llifa ffrwd i'r llyn o lethrau Hyddgen.[1]

Llifa Afon Llyfnant allan o'r llyn i gyfeiriad y gogledd. Mae'n llifo dros graig gan greu rhaeadr Pistyll y Llyn tua hanner milltir o'r llyn.[1] Cyfeiria enw'r llyn at y rhaeadr hon.

Ceir dau lyn arall gerllaw o fewn milltir i Lyn Pen-rhaeadr, sef Llyn Conach i'r gorllewin a Llyn Plas-y-mynydd i'r de.[1]

Cyfeiriadau[golygu | golygu cod y dudalen]

  1. 1.0 1.1 1.2 Map OS Lanranger 1:50,000. Taflen 135.