Llew Smith

Oddi ar Wicipedia
Neidio i: llywio, chwilio
Llew Smith

Cyfnod yn y swydd
17 Mehefin 1984 – 9 Mehefin 1994
Rhagflaenydd Sefydlwyd yr etholaeth
Olynydd Glenys Kinnock

Cyfnod yn y swydd
10 Ebrill 1992 – 11 Ebrill 2005
Rhagflaenydd Michael Foot
Olynydd Peter Law

Geni (1944-04-16) 16 Ebrill 1944 (72 oed)
Plaid wleidyddol Y Blaid Lafur

Gwleidydd Cymreig sy'n aelod o'r Blaid Lafur yw Llewellyn Thomas Smith (ganwyd 16 Ebrill 1944), sy'n fwy adnabyddus fel Llew Smith. Roedd yn aelod seneddol Blaenau Gwent yn ne-ddwyrain Cymru. Mae'n aelod o'r Grŵp Ymgyrchu Sosialaidd (Socialist Campaign Group).

Safbwynt am Gymru a'r Gymraeg[golygu | golygu cod y dudalen]

Daeth yn AS Blaenau Gwent yn 1992, a bu'n ASE yn Senedd Ewrop cyn hynny. Roedd yn un o'r ASau Llafur Cymreig, fel Neil Kinnock, a wrthwynebodd sefydlu Cynulliad Cenedlaethol Cymru ac a ymgyrchodd yn ei erbyn adeg y Refferendwm, er nad oedd yn un o'r "Gang o Chwech" ei hun. Yn ogystal mae wedi bod yn feirniadol o bolisïau i hybu'r iaith Gymraeg. Sefyllodd i lawr fel AS yn etholiad cyffredinol 2005.

Mewn ymateb i sylwadau gan Gwilym ab Owain yng Ngheredigion a Seimon Glyn yng Ngwynedd ynglŷn â phroblem y mewnlifiad i'r bröydd Cymraeg a'r angen am gael tai i bobl leol, honodd Llew Smith fod Plaid Cymru "yn fudiad hiliol".[1]

Ym Mehefin 2003, wrth roi dystiolaeth i'r Comisiwn Richard, a sefydlwyd i ystyried rhoi pwerau ychwanegol i'r Cynulliad Cenedlaethol, dywedodd mai "rheitiach fyddai ystyried rhoi rhai o bwerau'r cynulliad yn ôl i gynhgorau lleol neu senedd San Steffan yn hytrach na sôn am eu ehangu." [2]

Cyfeiriadau[golygu | golygu cod y dudalen]

  1. [1] erthygl ar safle'r BBC.
  2. [2] Tystiolaeth Llew Smith i'r Comisiwn Richard, Mehefin, 2003.
Senedd Ewrop
Rhagflaenydd:
Etholaeth newydd
Aelod Senedd Ewrop dros Ddwyrain De Cymru
19841994
Olynydd:
Glenys Kinnock
Senedd y Deyrnas Unedig
Rhagflaenydd:
Michael Foot
Aelod Seneddol dros Flaenau Gwent
19922005
Olynydd:
Peter Law