Lewis Morris (1833–1907)

Lewis Morris
Ganwyd	23 Ionawr 1833  Caerfyrddin
Bu farw	12 Tachwedd 1907  (74 oed) Penbryn
Dinasyddiaeth	Cymru
Addysg	Baglor yn y Celfyddydau, Meistr yn y Celfyddydau
Alma mater	Coleg yr Iesu
Galwedigaeth	Ysgrifennwr, Bardd, Gwleidydd
Perthnasau	Lewis Morris
Gwobr/au	Marchog Faglor

Bardd Eingl-Gymreig oedd Syr Lewis Morris (23 Ionawr 1833 – 12 Tachwedd 1907).

Ganed ef yng Nghaerfyrddin, yn fab i Lewis Edward William Morris a gor-ŵyr Lewis Morris, un o Forysiaid Môn. Aeth i Goleg Iesu, Rhydychen, lle graddiodd yn y clasuron 1856; ef oedd y myfyriwr cyntaf mewn 30 mlynedd i gael anrhydedd dosbarth cyntaf yn yr arholiadau rhagarweiniol a therfynol. Daeth yn fargyfreithiwr yn 1861. Cyhoeddodd ei gyfrol gyntaf o farddoniaeth, Songs of Two Worlds yn 1871, a dilynwyd hi gan nifer eraill. Un o'i gerddi mwyaf adnabyddus yw "Love's Suicide". Bu'n gyd-ysgrifennydd a chyd-drysorydd Coleg Prifysgol Aberystwyth.

Gwnaed ef yn farchog yn 1895. Roedd yn gobethio cael ei ddewis i swydd Bardd Llawryfog (Poet Laureate), ond nis cafodd, efallai oherwydd ei fod yn cymdeithasu ag Oscar Wilde.

Claddwyd ef ym mynwent Llangynnwr ger Caerfyrddin.