Leuven

Neuadd y Ddinas

Dinas yn Fflandrys, Gwlad Belg a phrifddinas talaith Brabant Fflandrysaidd yw Leuven (Ffrangeg: Louvain). Mae'r boblogaeth tua 90,000.

Mae Leuven yn adnabyddus fel safle Prifysgol Gatholig Leuven, prifysgol hynaf yr ardal yma o Ewrop, a bragdy Anheuser-Busch InBev, gynt Brouwerij Artois. Ystyrir Leuven yn brifddinas cwrw Fflandrys a Gwlad Belg.

Ceir cyfeiriad at y ddinas fel Luvanium yn 884. Yn 891, gorchfygwyd y Llychlynwyr yma gan Arnulf o Carinthia. Ymhlith cyn-fyfyrwyr y brifysgol, mae'r Catholigion Cymreig Gruffydd Robert a Philip Powell.

Adeiladau a chofadeiladau

• Abaty Keizersberg (Ffrangeg: Mont César)
• Abaty'r Park
• Beguinage Bach
• Beguinage Mawr
• Eglwys Sant Gertriwd
• Eglwys Sant Pedr
• Eglwys Sant Quinten
• Llyfrgell y Brifysgol
• Neuadd y Dref
• Prifysgol Gatholig Leuven

Enwogion

• Mari o Brabant (1254-1321), brenhines Ffrainc
• Sylvain Van de Weyer (1802-1874), gwleidydd
• Emiel Puttemans (g. 1947), athletwr