Judith Godwin (Ymneilltuwr)

Oddi ar Wicipedia
Judith Godwin
GanwydCymru Edit this on Wikidata
Bu farw25 Ionawr 1746 Edit this on Wikidata
Watford Edit this on Wikidata
DinasyddiaethBaner Cymru Cymru
Galwedigaethgohebydd Edit this on Wikidata
PriodSamuel Jones Edit this on Wikidata

Ymneilltuwr a lled-Fethodist cynnar oedd Judith Godwin (bu farw yn Watford, Swydd Hertford yn 1746) a disgrifir hi fel 'un o ohebwyr Howel Harris'[1]

Ni wyddom enw ei rhieni. Ei henw morwynol oedd Weaver. Dywed rhai, yn anghywir, ei bod hi'n ferch i John Weaver (a fu farw 1712), gweinidog ym Maesyfed ac yna yn Henffordd. Mae'n bosib ei bod yn perthyn o bell i John Weaver, fodd bynnag gan gael ei geni yn Sir Faesyfed a'r ddau o'r un enw.

Teulu[golygu | golygu cod]

Priododd ddwywaith: yn gyntaf, â Samuel Jones (1680? - 1719) o Tewkesbury, ac yn ail (1721) gydag Edward Godwin (1680? - 1764), gweinidog Annibynnol blaenllaw yn Llundain. O'r ail briodas, cafodd ddau fab: Edward (1722 - 1748/9), cynghorwr gyda'r Methodistiaid Whitefield, a John (1723 - 1772), gweinidog Annibynnol yn nwyrain Lloegr, a ddaeth yn dad i'r llenor William Godwin ac felly'n daid i Mary Godwin, priod y bardd Shelley.

Crefydd[golygu | golygu cod]

Roedd yn lled-Fethodist, ac yn gyfaill i Vavasor Griffiths a Lewis Rees ac roedd hefyd yn gyfaill agos i Howel Harris a'i holl deulu. Gohebodd lawer â Harris — y mae gennym bron ddeugain o lythyrau rhyngddynt. ‘Pietistaidd’ oedd naws Judith Godwin, a chanddi ragfarnau cryfion yn erbyn Johna Charles Wesley.

Cyfeiriadau[golygu | golygu cod]

  1. Jenkins, R. T., (1953). GODWIN, JUDITH (bu farw 1746), un o ohebwyr Howel Harris. Y Bywgraffiadur Cymreig. Adferwyd 13 Medi 2019, o https://bywgraffiadur.cymru/article/c-GODW-JUD-1746