John Gwilym Jones (bardd)

Oddi ar Wicipedia
Jump to navigation Jump to search
John Gwilym Jones
Ganwyd 1937 Edit this on Wikidata
Castellnewydd Emlyn Edit this on Wikidata
Man preswyl Y Tymbl, Bangor, Peniel Edit this on Wikidata
Dinasyddiaeth Baner Cymru Cymru
Alma mater
Galwedigaeth bardd, Gweinidog yr Efengyl, Archdderwydd Edit this on Wikidata
Plant Tudur Dylan Jones Edit this on Wikidata
Am y dramodydd, gweler John Gwilym Jones (dramodydd)

Bardd a gweinidog o Gymro yw John Gwilym Jones (ganed 1937). Ganed ef yng Nghastell Newydd Emlyn, Ceredigion, yn frawd i T. James Jones.

Graddiodd gyda dosbarth cyntaf yn y Gymraeg o Brifysgol Aberystwyth, yna am flwyddyn bu'n darlithio mewn Cymraeg Canol ym Mhrifysgol Dulyn. Aeth ymlaen i astudio Diwinyddiaeth yn Abertawe. Cafodd ei alwad cyntaf i'r weinidogaeth ym Methania, y Tymbl, cyn symud ym 1967 i Eglwys Annibynnol, Pendref, Bangor lle bu'n gwasanaethu am ddeugain mlynedd. Cafodd gyfle hefyd i ddarlithio mewn Cymraeg a Diwinyddiaeth ym Mhrifysgol Bangor.

Bu yn ei dro yn llywydd Undeb yr Annibynwyr, yn olygydd y cylchgrawn Porfeydd, ac yn aelod o bwyllgor llywio'r llyfr emynau cydenwadol, Caneuon Ffydd.[1]

Enillodd y Gadair yn Eisteddfod Genedlaethol Cymru Maldwyn a'i chyffiniau 1981 am Y Frwydr. Bu'n Archdderwydd rhwng 1993 a 1996. Yn Eisteddfod Bro Colwyn 1995, roedd yn gyfrifol am gadeirio ei fab, Tudur Dylan Jones, a choroni ei frawd, Aled Gwyn Jones. Wedi ei gyfnod fel Archdderwydd, daeth yn Gofiadur yr Orsedd rhwng 2005 a 2010.

Anrhydeddau[golygu | golygu cod y dudalen]

Cafodd ei urddo yn Gymrawd Prifysgol Aberystwyth ar 12 Gorffennaf 2012 a fe anrhydeddwyd yn Gymrawd gan yr Eisteddfod yn Awst 2012.

Bywyd personol[golygu | golygu cod y dudalen]

Roedd yn briod ag Avril (bu farw 28 Chwefror 2008) a cawsant dri o blant, Eilir, Tudur Dylan a Nest. Wedi ymddeol, symudodd i Peniel, Sir Gaerfyrddin yn nes at ei fro enedigol.

Gweithiau[golygu | golygu cod y dudalen]

  • Ail drannoeth : ambell sylw a myfyrdod (Aberystwyth: Cymdeithas Lyfrau Ceregigion, 2003) ISBN 1902416945

Cyfeiriadau[golygu | golygu cod y dudalen]

  1.  Urddo cyn Archdderwydd. Prifysgol Aberystwyth (12 Gorffennaf 2012). Adalwyd ar 27 Rhagfyr 2018.