John Cyrlas Williams

Oddi ar Wicipedia
Jump to navigation Jump to search
John Cyrlas Williams
Ganwyd 1902 Edit this on Wikidata
Unol Daleithiau America Edit this on Wikidata
Bu farw 1965 Edit this on Wikidata
Man preswyl Porthcawl Edit this on Wikidata
Dinasyddiaeth Baner Cymru Cymru
Galwedigaeth arlunydd Edit this on Wikidata
John Cyrlas Williams; hunanbortread.

Arlunydd o dras Cymreig oedd John Cyrlas Williams (19021965) a aned yn yr UDA, yn fab i löwr. Daeth ei dad yn berchennog glofa a dychwelodd y teulu i Gymru gan fyw ym Mhorthcawl, ychydig cyn y Rhyfel Byd Cyntaf. Ym Mawrth 2016 cafwyd arddangosfa o'i waith yn Oriel Plas Glyn y Weddw yn Llanbedrog, Pwllheli.[1] Roedd y teulu'n eitha arianog, ac yn ôl Peter Lord, mae hyn yn ei wneud yn hollol wahanol i artistiaid eraill o'r un cyfnod yng Nghymru.

Yr arlunydd[golygu | golygu cod y dudalen]

Peintiodd Williams ei lun cyntaf yn 1918, ac aeth i Goleg Newlyn ac oddi yno i Baris i astudio celf. Mae'r cyfan o'i waith wedi eu peintio pan oedd yn ei ddau-ddegau, gan iddo droi at y botel oherwydd problemau personol. Disgrifiwyd ei waith gan ei noddwr, y Rhyddfrydwraig Winifred Coombe Tennant, fel “the real thing”. Yn ei dridegau, trodd ei gefn yn llwyr ar beintio a daeth yn glerc mewn swyddfa.[2]

Seren wib[golygu | golygu cod y dudalen]

Nid oedd sôn am John Cyrlas Williams ar ôl y 1930au nes y darganfuwyd 150 o'i beintiadau mewn atig ym Mhorthcawl. Prynnodd yr arlunwyr Mike Jones a Peter Lord 60 ohonyn nhw er mwyn cadw goreuon y casgliad gyda'i gilydd. Pan gafwyd hyd i'r casgliad, daeth Williams yn ôl yn ffasiynol.[3] Pan bu farw yn 63 oed, nid oedd fawr o neb yn gwybod iddo unwaith fod yn arlunydd.

Mae'r lluniau'n dangos iddo ddilyn ôl troed Augustus John ac yn darlunio ei daith ar y cyfandir: Colarossi ym Mharis, Pont Aven yn Llydaw a Martigues yn Ne Ffrainc.[3]

Cyfeiriadau[golygu | golygu cod y dudalen]

  1. bbc.co.uk; adalwyd Ebrill 2016.
  2. Gwefan Oriel Plas Glyn y Weddw; adalwyd Ebrill 2016.
  3. 3.0 3.1 dailypost.co.uk; adalwyd Ebrill 2016