Ifan Morgan Jones
| Ifan Morgan Jones | |
|---|---|
 | |
| Ganwyd | Ebrill 1984  Waunfawr |
| Man preswyl | Croes-lan |
| Dinasyddiaeth |  Cymru |
| Galwedigaeth | llenor, newyddiadurwr, darlithydd |
| Cyflogwr | |
| Adnabyddus am | Igam Ogam |
Newyddiadurwr, darlithydd a nofelydd o Gymru yw Ifan Morgan Jones (ganwyd Ebrill 1984) sy'n enedigol o Waunfawr, Gwynedd ond sydd bellach yn byw yng Nghroeslan ger Llandysul. Mae'n fab i'r awdur a darlledwr Rhodri Prys Jones (1948-1991) a Sylvia (née Morgan). Mae gan Ifan bedwar o blant, Aeron, Magw, Jano a Radi.
Enillodd ei nofel Igam Ogam Wobr Goffa Daniel Owen yn Eisteddfod Genedlaethol Cymru Caerdydd a'r Cylch 2008. Enillodd ei nofel Babel wobr Llyfr y Flwyddyn yn 2020. Cyhoeddodd dair nofel arall, Yr Argraff Gyntaf yn 2010, Dadeni yn 2017 a Brodorion yn 2021.
Bu'n Ohebydd a Dirprwy Olygydd ar gylchgrawn Golwg o fis Mai 2006 hyd ddiwedd 2008, ac yn Olygydd gwefan Golwg360 rhwng Ionawr 2009 a Medi 2011.
O 2011 ymlaen bu'n arweinydd y cwrs newyddiaduraeth yn Ysgol Iaith, Diwylliant a’r Celfyddydau Prifysgol Bangor. Cafodd ddoethuriaeth yn 2018 am ei astudiaeth o genedlaetholdeb a'r wasg Gymraeg yn ail hanner y 19eg ganrif.
Yn 2017 lansiodd y wefan newyddion Nation.Cymru gyda'r nod o ehangu y darpariaeth ar gyfer newyddiaduraeth am Gymru gyfan yn yr iaith Saesneg. Yn 2023 penodwyd yn Uwch Olygydd gwasanaeth digidol Newyddion S4C.[1]
Llyfryddiaeth
[golygu | golygu cod]- Igam Ogam (Y Lolfa, 2008)
- Yr Argraff Gyntaf (Y Lolfa, 2010)
- Dadeni (Y Lolfa, 2017)
- Babel (Y Lolfa, 2019)
- Brodorion (Y Lolfa, 2021)
Cyfeiriadau
[golygu | golygu cod]- ↑ "Dr. Ifan Morgan Jones yn ymuno a thîm Newyddion S4C". S4C. Rhagfyr 6 2022. Cyrchwyd Ionawr 22 2023. Check date values in:
|access-date=, |date=(help)
