Ifan Gruffydd (digrifwr)

Oddi ar Wicipedia
Jump to navigation Jump to search

Digrifwr a ffarmwr yw Ifan Gruffydd, neu Ifan Tregaron (ganwyd 1951). Mae'n adnabyddus am lywio nosweithiau adloniant gyda'r Ffermwyr Ifanc a Noson Lawen ar deledu, ac am ei gymeriad diniwed 'Idwal'.

Bywyd cynnar[golygu | golygu cod y dudalen]

Ganwyd Ifan Gruffydd yn ysbyty Aberystwyth a fe'i magwyd ar fferm Cefn 'Resgair Fawr ger Tregaron yng Ngheredigion. Mae'n rhannu ei amser rhwng y gwaith ffermio gyda'i waith fel diddanwr mewn cyngherddau byw ac ar y teledu. Mae'n briod gyda Dilys ac yn byw ar fferm 'Y Border Bach' ar gyrion Tregaron.

Fe berfformiodd gyntaf gyda'r Clwb Ffermwyr Ifanc a chymerodd ran ym mhantomeim Theatr Felinfach, lle cyfarfu Euros Lewis a ddaeth yn ddiweddarach yn gyd-awdur ar ei waith teledu.

Gyrfa[golygu | golygu cod y dudalen]

Yn 1984, cafodd wahoddiad gan gwmni cynhyrchu Teledu'r Tir Glas i ymddangos ar eu rhaglen Noson Lawen ac fe ddatblygodd ei yrfa ar deledu a radio o hynny ymlaen.

Bu'n ysgrifennu a pherfformio mewn rhaglenni comedi ar S4C fel Nyth Cacwn, Y Ferch Drws Nesa a rhaglen ei hun Ma' Ifan 'Ma. Ar BBC Radio Cymru bu'n cyfrannu i raglenni fel 'Pwlffacan a Dros Ben Llestri.[1]

Llyfryddiaeth[golygu | golygu cod y dudalen]

Cyfeiriadau[golygu | golygu cod y dudalen]