Idwal Jones (nofelydd)

Oddi ar Wicipedia
Jump to navigation Jump to search
Idwal Jones
Ganwyd 8 Rhagfyr 1887 Edit this on Wikidata
Blaenau Ffestiniog Edit this on Wikidata
Bu farw 14 Tachwedd 1964 Edit this on Wikidata (76 oed)
Laguna Beach Edit this on Wikidata
Dinasyddiaeth Baner Cymru Cymru Baner UDA UDA
Galwedigaeth Ysgrifennwr Edit this on Wikidata

Roedd Idwal Jones ( 8 Rhagfyr, 1890 - 14 Tachwedd, 1964) yn nofelydd ac yn awdur llyfrau ffeithiol Americanaidd Cymreig. Canolbwyntiodd Jones lawer o'i ysgrifennu ar harddwch a chynydd poblogaeth yng Nghaliffornia a'r gorllewin. [1]

Bywgraffiad[golygu | golygu cod y dudalen]

Ganwyd Jones ym Mlaenau Ffestiniog, yn fab i William W. Jones a Mary Catherine Hughes. Roedd ei dad yn beiriannydd ac yn ddaearegwr ac aeth â'r teulu i ranbarth chwarela Pennsylvania ym 1902 . [2] Astudiodd beirianneg fecanyddol yn Efrog Newydd, a arweiniodd at ddiddordeb yn y rhuthr aur yng Nghaliffornia, a symudodd i'r fan honno ym 1911. [3] Dechreuodd ei yrfa lenyddol gan adolygu llyfrau ar gyfer y San Francisco Chronicle, ac yn ddiweddarach bu ganddo ei golofnau ei hun yn, The San Francisco Examiner "Rediscovering San Francisco" a "Passing By". Gwerthodd ei stori fer gyntaf yn y 1920au. [1] Enillodd Anrhydedd Medal Newbery ym 1937 ar gyfer Whistler's Van .

Mae ei weithiau enwocaf yn cynnwys: The Vineyard and Ark of Empire: San Francisco's Montgomery Block..

Mae'r Vineyard yn adrodd hanes dinasyddion Napa Valley a'u cariad at y tir. Fe wnaeth y prif gymeriad, Alda Pendle, feistroli'r grefft o winwyddaeth gan ei thad. Ar ôl marwolaeth ei thad, mae sgiliau Pendle yn ei gwneud yn ased gwerthfawr i unigolyn sy'n byw ar winllan yn Napa Valley.

Ark of Empire: San Francisco's Montgomery Block, sydd wedi'i isdeitlo "San "Francisco's Unique Bohemia 1853–1953" mewn un argraffiad, yn adrodd hanes hen galon ddinas San Francisco.

Daeth ei nofel gyntaf, The Splendid Shilling, allan yn 1926, gyda llinell stori a oedd yn adlewyrchu ei daith ei hun, yn symud o Gymru i Galiffornia yn ystod y Rhuthr Aur.

Priododd Olive Vere Wolf ym 1923, a theithiasant y byd gyda'i gilydd. Bu farw Jones yn ei gartref yn Laguna Beach, California . [1]

Cyfeiriadau[golygu | golygu cod y dudalen]

  1. 1.0 1.1 1.2 "Idwal Jones, 74, Novelist, Is Dead". The New York Times. November 17, 1964. https://www.nytimes.com/1964/11/17/idwal-joesj-74-novelist-is-dead.html.
  2. Tambo, David C.; Fields, Edward C. (2000). "Guide to the Idwal Jones Collection, 1920-1964". Santa Barbara, CA: Archive of California, University of California.
  3. California, Biographical Index Cards, 1781-1990. California State Library; Sacramento, California; Biographical Files

Cysylltiadau allanol[golygu | golygu cod y dudalen]