San Francisco

Oddi ar Wicipedia
Jump to navigation Jump to search
San Francisco
San Francisco (Evening).jpg
SFSEAL.svg
Math consolidated city-county, dinas yn yr Unol Daleithiau America, sanctuary city, dinas, dinas fawr Edit this on Wikidata
Enwyd ar ôl Ffransis o Assisi Edit this on Wikidata
Poblogaeth 805,235 Edit this on Wikidata
Sefydlwyd
  • 29 Mehefin 1776 Edit this on Wikidata
Pennaeth llywodraeth London Breed Edit this on Wikidata
Cylchfa amser UTC−08:00, Cylchfa Amser y Cefnfor Tawel Edit this on Wikidata
Gefeilldref/i
Daearyddiaeth
Rhan o'r canlynol San Francisco Bay Area, San Francisco–Redwood City–South San Francisco metropolitan division Edit this on Wikidata
Sir San Francisco County Edit this on Wikidata
Gwlad Baner Unol Daleithiau America Unol Daleithiau America
Arwynebedd 600.592202 km² Edit this on Wikidata
Uwch y môr 52 Troedfedd Edit this on Wikidata
Gerllaw San Francisco Bay Edit this on Wikidata
Yn ffinio gyda Sausalito, Richmond, Alameda, Brisbane, Daly City Edit this on Wikidata
Cyfesurynnau 37.766667°N 122.433333°W Edit this on Wikidata
Cod post 94110, 94103, 94133, 94107, 94109, 94108, 94105 Edit this on Wikidata
Gwleidyddiaeth
Corff deddfwriaethol San Francisco Board of Supervisors Edit this on Wikidata
Swydd pennaeth
  y Llywodraeth
Mayor of San Francisco Edit this on Wikidata
Pennaeth y Llywodraeth London Breed Edit this on Wikidata
Sylfaenwyd gan José Joaquín Moraga, Francisco Palóu Edit this on Wikidata

Dinas yng Nghaliffornia yn Unol Daleithiau America yw San Francisco (Dinas a Swydd San Francisco). Dyma yw'r bedweredd ddinas mwyaf poblog yng Nghaliffornia a'r drydedd ddinas ar ddeg mwyaf poblog yn yr Unol Daleithiau, gyda 744,230 o bobl yn byw yn y ddinas a 7,533,384 o bobl yn byw yn Ardal Bae San Francisco. San Francisco yw'r ddinas gyda'r dwysedd poblogaeth fwyaf yn y dalaith a'r ddinas gyda dwysedd ail fwyaf yn yr Unol Daleithiau. Lleolir y ddinas ar ben pellaf penrhyn San Francisco, gyda'r Cefnfor Tawel i'r gorllewin iddi a Bae San Francisco i'r gogledd a'r dwyrain.

Ym 1776, sefydlodd y Sbaenwyr amddiffynfa wrth y Golden Gate a chenhadaeth a enwyd ar gyfer Ffransis o Assisi. Yn sgîl y Rhuthr am Aur ym 1849, aeth y ddinas trwy gyfnod o dŵf cyflym, a drawsnewidiodd y ddinas nes ei bod y ddinas fwyaf ar yr Arfordir Orllewinol ar y pryd. Ym 1906, cafodd San Francisco ei tharo gan ddaeargryn a thân a chafodd mwy na 3,000 o bobl eu lladd a rhan helaeth o'r ddinas ei dinistrio. Ail-adeiladwyd y ddinas yn gyflym, gan gynnal Arddangosfa Ryngwladol Panama-Pasiffig naw mlynedd yn ddiweddarach. Yn ystod yr Ail Ryfel Byd, San Francisco oedd y man ffarwelio ar gyfer nifer o filwyr. Pan ddaeth y rhyfel i ben, arweiniodd y don o filwyr yn dychwelyd, mewnfudiad enfawr, agweddau rhyddfrydol, a ffactorau eraill at yr Haf o Gariad a'r mudiad hawliau hoyw, gan gadarnhau statws San Francisco fel canolfan rhyddfrydol yn yr Unol Daleithiau.

Erbyn heddiw, mae San Francisco yn ganolfan ryngwladol o ran y byd ariannol, cludiant a diwylliant. Mae'r ddinas hefyd yn gyrchfan gwyliau poblogaidd i dwristiaid sy'n enwog am ei niwl hafaidd, ei bryniau serth niferus, ei chymysgedd o bensaernïaeth Fictoraidd a modern, ei thirnodau bydenwog fel Pont Golden Gate, ei cherbydau ceblau a Thref Tsieina.

Daearyddiaeth[golygu | golygu cod y dudalen]

Penrhyn San Fransisco

Lleolir San Francisco ar arfordir gorllewinol yr Unol Daleithiau, ar ddiwedd Penrhyn San Francisco, ac mae'n cynnwys rhannau helaeth o'r Cefnfor Tawel a Bae San Francisco o fewn ei ffiniau. Mae sawl ynys, Alcatraz, Treasure Island, a'r Ynys Yerba Buena gyferbyn, a rhannau bychain o ynys Alameda, Ynys y Garreg Goch, ac Ynys yr Angylion i gyd yn rhan o'r ddinas. Yn fras, mae'r prif dir o fewn ffiniau'r ddinas yn cynnwys "sgwâr saith milltir gyda saith milltir," yn ôl y trigolion lleol, er mewn gwirioedd mae arwynebedd y ddinas, gan gynnwys y dŵr yn 232 milltir sgwâr (600 km2).

Mae San Francisco yn enwog am ei bryniau. Ceir yno dros 50 o fryniau o fewn ffiniau'r ddinas. Enwyd rhai cymdogaethau ar ôl y bryn lle maent wedi eu lleoli, gan gynnwys Nob Hill, Pacific Heights, a Russian Hill. Yn agos i ganolbwynt ddaearyddol y ddinas, i'r de-orllewin o ardal "downtown", ceir nifer o fryniau llai poblog. Mae Twin Peaks, sy'n bâr o fryniau yn un o fannau uchaf y ddinas, yn fan poblogaidd i weld y ddinas. Mae bryn mwyaf San Francisco, Mount Davidson, yn 925 troedfedd (282 m) o uchder ac ar ei ben mae yna groes 103 troedfedd (31 m) o uchder, a adeiladwyd ym 1934. Dominyddir yr ardal hon hefyd gan Dŵr Sutro, tŵr darlledu radio a theledu coch a gwyn.

Maes awyr y ddinas.

Adeiladau a chofadeiladau[golygu | golygu cod y dudalen]

Pont Golden Gate

Pobl o San Francisco[golygu | golygu cod y dudalen]


Oriel[golygu | golygu cod y dudalen]

Dolenni allanol[golygu | golygu cod y dudalen]

Comin Wikimedia
Mae gan Gomin Wikimedia
gyfryngau sy'n berthnasol i: