Bae Bizkaia

Bae Bizkaia

Math	bae
Enwyd ar ôl	Bizkaia, Gasgwyn
De-Biskaya.ogg
Daearyddiaeth
Rhan o'r canlynol	Cefnfor yr Iwerydd
Gwlad	Ffrainc, Sbaen
Arwynebedd	223,000 km²
Gerllaw	Cefnfor yr Iwerydd
Yn ffinio gyda	Ffrainc, Sbaen, Cefnfor yr Iwerydd
Cyfesurynnau	45.5°N 4.4°W
Hyd	593.7 cilometr
Ffeiliau perthnasol ar Comin

Llun lloeren o Fae Bizkaia

Bae mawr ger arfordir Ffrainc a Sbaen yw Bae Bizkaia, hefyd Bae Vizcaya neu Bae Biscay (Sbaeneg: golfo de Vizcaya neu golfo de Gascuña, Ffrangeg: Golfe de Gascogne, Basgeg: Bizkaiko Golkoa). Cymer ei enw o dalaith Bizkaia yng nghymuned ymreolaethol Gwlad y Basg. Weithiau defnyddir Gwlff Gasgwyn amdano; mae'r Atlas Cymraeg Newydd yn dangos "Gwlff Gasgwyn" fel y rhan ddeheuol o'r bae. Mae'r bae, sy'n rhan o Gefnfor yr Iwerydd, yn ymestyn o benrhyn Ajo yn Cantabria (Sbaen) hyd dde Llydaw, ac yn cynnwys arfordir Gwlad y Basg ac Acwitania. Ei led yw tua 320 km (199 milltir).

Ceir nifer o borthladdoedd pwysig yma, yn enwedig Bilbo, Pasajes a Burdeos. Yr unig afon fawr sy'n llifo iddo yw Afon Garonne; ymhlith yr afonydd eraill mae Afon Nervión ac Afon Bidasoa, sy'n ffurfio'r ffin rhwng Ffrainc a Sbaen.

Mae'r bae yn ddwfn ac yn tueddol i gael tywydd mawr ac felly'n gallu bod yn beryglus i longau. Mae'n bysgodfa pwysig: ymhlith y pysgod masnachol a ddelir yno ceir brwyniaid, cod, tiwna a sardîns.